delirium
هلا اختي
التاشيرة الافضلانك تطلعيها من الفرنسية طالما روحتك لفرنسا
وبالنسبة لااستخراجها من اي سفارة اخرى مومشكلة
والتامين من التعاونية قيمتة بحدود 115 ريال

أختي رجاء رجاء لا تكتبين عدة مواضيع
لو اتبعتي أي رد بخصوص الفيزا والله أتوقع مخلصه الأوراق كلي رجاء الالتزام بموضوع واحد
الاحتياط من الفرنسيه العام وهالسنه ما أحدرفض دخوله لو مطلعها من سفاره اخرى
التأمين من التعاونيه وعلي طول

فيصل 2006
معليش ياخوي فيصل ردك هذا ماعجبني !
البنت تبي تتأكد من الناس الثقة مثلك ومثل لورد و شموخ وغيركم اللي يهتمون بأسئلة الاعضاء
صدقني انا مثلها بحثت عن الموضوع ولا لقيت اجابة واضحة , اللي يقول ماعندك مشكلة واللي يقول لازم تطلعها
من سفارة الدوله اللي رايح لها والا يمكن يردونك !
خلها تسأل اللي تبي . البنت ماعمرها سافرت لاوربا واكيد انها حريصه على كل صغيرة وكبيرة في امور السفر
طول بالك علينا ياخوي فيصل والله يوفقك ويعطيك الف عافيه, وشكرا

#صوتك يناديني#
يا هلا فيك وغلا
أحترم وجهة نظرك ولا الأنظمه موضوع واحد فقط الأخت تابع مواضيعها اللخاصه بالتأشيرات يمكنك ما كنت مطلع وأنا تنبيه لها ما قفلت الموضوع
https://artravelers.com/p/re/375779
صدقني نحاول جاهدين تقليل مواضيع الاستفسارات وندمج المواضيع مع بعض لكي يسهل الوصول لكل شخص مبتغاه
ما صرنا هنا الا لخدمتكم بدون مقابل ابتغاء الدعاء بظهر الغيب
صوتك يناديني الكلام واضح بخصوص السفاره حسب تنبيهات الجوازات وأنت تعرف وردينا عليك وعليها
فيه تجاوز ولكن اذا طبق النظام ما راح يلومون الا حنا الأعضاء
خلونا في السليم أفضل
وتراني متقبل أي شيء والله يوفقكم

ياخوي فيصل المواضيع القديمه تتشعب فيها المواضيع ويصعب الرد عليها
وهي كتبت موضوع فيه سؤال واحد فقط ومهم جدا ويمكن يكون مهم لاعضاء اخرين
مثلي انا كنت ناوي اكتب موضوع فيه نفس السؤال اللي كاتبته ولكن ترددت , وانا متأكد ان فيه ناس يشغل بالها هالسؤال
يمكن يكون هالموضوع مرجع للاعضاء وصدقني مع قرب الاجازه الصيفيه راح تقرأ هالسؤال اكثر من مره
والله ياخوي فيصل حنا ماعمرنا سافرنا لاوربا وجايين هنا نبي نعرف كل شي منكم ,الله يعطيكم العافيه ويجزاكم عنا خير
الجزاء , وشكرا

صوتك يناديني أشكرك يا أخي
وأحترم رأيك
وان شاءالله يسهل سفرتكم
وانا تنبيهي كان ان المووضع الخاص بالفيزا يكون في محله بموضوع الاخت شموخ او تكتب بنفس موضوعها الأولي واللي يصب بشأن الفيزا فقط