خذ ستراف وبتدعي لي وقسم

هلا.....
فندق ستار روزا من اجمل الفنادق من فئة اربع نجوم وهو في ساحة الدوامو
اما بخصوص الشقق روعة لا غبار عليها.....موقعها رائع.....بس تأكد من موقعها لان في نوعين من الشقق
وحدة بالدوامو والثانية بعيدة عن الدوامو
شف ميزانية كل فندق وحدد اي واحد ترتاح له
وبالتوفيق....واي اسئلة ثانية انا موجودة للرد على استفساراتك

cenuor
ستراف دخلت النت وشفت صوره غريب شوي وحلو وقريب من الدومو بالمره بس كأنه غويلي شوي والا

الزعيمة
اشكرك جدا على ردك يا زعيمه والشكر موصول لكل اللي رد....انا دخلت على شقق جلامور او جالمور ولقيت فعلا فيها سويتات بعيده شوي لكن سعرها معقول من220 دولار الى حدود290 دولار,اما ستار روزا انا عجبتني الغرفه الديلوكس لان السوبريور شكلها قديمه وصغيره مع ان سعرها معقول مقارنة بالديلوكس..لكن ما قلتيلي وش رايك في انتربرايز هو بعيد عن الدومو واسعاره حلوه حتى الجونيور سويت جدا رائع ورخيص بس..وفي المواقع المشهوره للحجز مثل اكسبيديا وجهة نظر الناس اللي سكنوا فيه يمدحونه لا من حيث الغرف وراحتها وحجمها ولا من حيث تعامل الموظفين.وكذلك الافطار يقولو حلو .ويقولون الترام يمر من قدامه,,بس المشكله ماحوله كوفي شوبز ومحلات حسب علمي واحس انه الواحد مايقدر يتأخر برا بعد الساعه9 المساء مع زوجته لبعده عن الشوارع الحيه(هذا حسب تفسيري لموقع الاوتيل) والله محتار ودي احد منكم يدخل موقع حجز مثل بوكنج او اكسبيديا ويتأكد من كلامي..هاه تنصحوني فيه...انا قلت اسكن فيه اول 3 ايام لاني بطلع اول يوم باذنه تعالى لفينسيا وثاني يوم لفيرونا وثالث يوم لكومو وبعدها باذنه تعالى بروح لوجانو ثم انترلاكن وبعدها ارجع اخر3 ايام لميلانو واسكن في فندق في الدومو عشان اكتشف ميلان وامخمخ عليها مضبوط..هاه وشقلتوا؟؟

هلا.......
اذا ممن تحط لي اسم الفندق بالانجليزي عشان اعطي راي فيه بالتفصيل
بأنتظار ردك

الزعيمة
مشكوره استاذتي على اهتمامك وردك,,,,,عموما اسم الفندق بالانجليزي هوenterprise hotel -a summit hotel
باختصار هو مشهور بأسم enterprise hotel

هلا.....
الفندق جميل من فئة اربع نجوم.......
بس هو بعيد عن الدوامو.......هو في منطقة فيوري اللي هي منطقة الموجود فيها المعرض العالمي
ممكن توصل للدوامو عن طريق المترو على الخط الاحمر تأخذ حدود نصف ساعة بالمترو
هو مشكلتة ان بعيد عن السنتر.....يعني لازم ترجع اول مايصير الليل.....لان المشكلة اذا بغيت تروح للفندق
تأخذ مترو من الدوامو وبعدين تغير واحد ثاني عشان يوصلك للفندق وهو اخر محطة بالمترو.....وغير كذا يبيلك مشي
لما توصل.....يعني هدت حيل........
انا مع السكن في اماكن زي الدوامو والا في شارع بونيس ايروس الا اني افضل الدوامو بالكثير
وبالتوفيق.....واي اسئلة ثانية لا تتردد بوضع استفساراتك

الزعيمة
مشكوره على تواصلك وافادتك ..خلاص شكلي بطلت من هالفندق مادام هدة حيل خاصه ان المدام معاي ..طيب تنصحيني بفندق في شارع بيونس ايرس؟ وهل هذا الشارع مو بعيد عن الدومو؟ وهل فيه اماكن حلوه الواحد يجلس فيها؟ واذا كان كذه اعطيني اسم فنادق حلوه فيه من فئة الاربع نجوم ما تتحاوز300 دولار..............واذا مافيه في بالك اي فندق ابي في الدومو وخلصنا غير ستار روزا يعني مادري هذا اللي اسمه برسدنت بي اش جولي كويس؟ او مثلا اسكن في ستار روزا في غرفه عاديه(سوبريور ) وخلصنا

وانا اخوك اهم شيء في السفر ( موقع السكن ) هذي قاعدتي من 10 سنين لأن كانت لي تجارب عديده قديماً ندمت عليها
صحيح في ناس تهتم بالفخامة اكثر او بالوسع او ..... لكن في نظري الموقع اهم شيء ترتاح في الطلعه والدخله وغالباً يكون الموقع المتميز أكثر آمان لوجود السياح و الحركة ...
وبخصوص الليل انصحك بعدم التأخر وخصوصاً اذا معك عائلة ..
بالتوفيق