الأفضل
ملقا اسبوع - برشلونة 4 ايام - باريس 3 ايام

الله يعطيك العافيه اخوي على الرد
بالنسبه للاجواء كيف راح تكون في ملقا و برشلونه في الفتره الي راح اكون فيها هناك؟
و انا فكرت اني اروح لميلان ليلتين و راح يكون السفر انشالله يوم 29 جانيوري (مع اني ماني مقتنع فيها لكن واحد من الشباب الا يبي يروح لها) بعدها ليلتين في فينيسا (كمان ماني مقتنع فيها) وبعدها لبرشلونه 4 ليالي و بعدين امستردام 3 ليالي بعدين ارجع لباريس و اكمل بقية الايام الى 15 فبراير
وش رايك؟؟و اذا عندك تعديل و اقتراح على خطتي ياليت لاني جدا محتار
و بالنسبه للسكن في برشلونه و ملقا وش تنصح بحيث تكون قريبه من اماكن الفله و الوناسه ;)

الأجواء راح تكون باردة في اوروبا كلها لكن البرودة اقل في ملقا اما ميلان في الشتاء انا مستغرب وضعها ضمن الجدول هالمدينة يبلها واحد يروح يتسوق او مع زوجته و اهله اما شباب انا اشوف انه فيه ما هو اولى و امستردام راح تموتون فيها من البرد اما كونك راح تجلس في باريس 6 ايام فأنا اعتبره خطأ كبير و المدة طويلة جدا بالنسبة لباريس ,, باريس لا تزيد عن 3 ايام او 4 اولا لأنك تقدر تشوف كل شي فيها في 3 او 4 ايام ثانيا الجو بارد في الشتاء و ثالثا غالية
المفروض ان الرحلة تكون فقط بين دولتي اما انها تكون بين 4 فهذي صعبة و لاحقين على دول ثانية في سفرات جاية و انا انصحكم باسبانيا و البرتغال او اسبانيا لوحدها او اسبانيا و باريس او اسبانيا و روما لأن الأجواء في اسبانيا و البرتغال راح تساعدكم

الله يعطيك العافيه يالشاب
والله اني ازعجتك لكن مالي الا الله ثم انت
بالنسبه لايطاليا تمكنت بعد توفيق الله ثم بمساعدتك من اقناع خويي باننا نلغي المحطه هذي
طيب بنخليها باريس 4 ليالي و الباقي في اسبانيا
الله لايهينك كيف ارتبها في اسبانيا لاني ما اعرف فيها اي شي
و ياليت لو تعطيني مناطق حلوه نسكن فيها
سامحني على ازعاجك

باريس 4
ماربيا 4
سان سيباستيان 2
برشلونة4
كذا بيكون خط السير
و جميع التنقلات راح تكون بالطائرة افضل لك
و فيه اقتراح ثاني
باريس 4
طائرة
سان سيباستيان 2 ايام
قطار
مدريد 3 ايام
قطار
نويبالوس (( الشلالات)) ليلة واحدة
قطار
برشلونة 4 ايام