كل شي بالواسطة يصير
لكن انت ايش راح تبغى في تخصص مو في القائمة اللي في الوزراة
وبالنسبة للانضمام والله كلنا ودنا بس لازم تجهز اوراقك
وتجيب قبول من معهد اللغة ومن الجامعة وتترجم شهاداتك وكل اوراقك
ولا تنسى الواسطة لانو الدعوى بدت تتعقد

اكيد باذن الله لازم اخذ الموافقة قبل لااطلع واول ما وصل هناك بفت ملفح في الملحقية بس التخصص في الادارة هذا اللي مخوفني وهل الانضمام ممكن وقت دراسة اللغة ياليت احد يدلني

اول شي ما تحتاج موافقة من التعليم العالي في السعودية
لانو هذا النظام الغي والحين على طول تطلع بلد الدراسة وتروح للملحقية وتفتح ملف
لكن اللي اعرفه انو الحين قاعدين يطبقوا قرار 30 ساعه للبكالوريوس و 9 ساعات للماستر
والله اتمنى انك تنظم وانا كمان لانو ودي اطلع وحايس بالمرة
لكن في حركة راح اقول لك عليها بس اذا انت متواجد وقريت ردي قول لي

خير انشالله انا موجود الحين

هلا وغلا وصحن حلى
بس ياليت حطيت رد حلو
مو خير انشالله انا موجود الحين
على العموم اذا وصلت الملحقية وفتحت ملف واخذت الرقم الخاص فيك
ترسل اوراقك لاي واحد في السعودية كاملة وتخليه يدخل على العطيه
في الوزارة في حي الغدير
الدور الثاني
والا تروح انت بنفسك ولاتطلع الا وانت ماخذ منهم هرجه بالانظمام للبعثة
و في الوقت هذا اعتقد انك راح تحتاج للواسطة
واي سؤال او استفسار لاني راح اسوي نفس الطريقة
خذ راحتك

يعطيك الف عافيه وما تقصر ونصحك من طيب اخلاقك يالعزيز بس الي قلته صعب لاني مو من اهل الرياض ولا ادري حتى وين حي الغدير ولا عندي احد يروح لان ابوي كبير في السن وانا
تدري اني رايح وما عندي ضمان بنكي معتمد على الجنسية الامريكية والله مدري السالفة ملخبطة صح ؟ ما فهمت شي ؟ يالله ابداء بنفسك وطمنا عندك ودلنا على دربكونمشي علي والله يكتب مافيه الخير ؟

حياك الله
كمان انا ماني من الرياض ولا اعرف حي الغدير
لكن نصيحتي لك اذا بتروح جهز اوراقك قبول من معهد لغة + قبول من الجامهة بتخصصك والمرحلة اللي تبغاها
عشان اول ما توصل تفتح ملف واوراقك كاملة
في بعض الاحيان يضمون اللي فتحو ملف في الملحقية بسبب
((زيارة الملك الله يحفظه او زيارة ولي العهد الله يحفظه او زيارة الوزير الله يحفظه))
وانا ان شاء الله اذا رحت وانضميت
راح اقول لك الطريقة
وادعي ربك ترى احنا في شهر الخير والبركات
وخلي الوالد والوالدة يدعون لك وانا كمان خليهم يدعون لي

تسلم اخوي ما تقصر وكلك ذوق واكيد ما لنا غنى عنهم وعن دعواتهن ، و القبول هو الي يحدد البداية بس النقطه الي مضيعتني هل لازم ضمان مالي انا اذكر الاخوان قد قالوا ان الي معاه جنسية ما يحتاج ضمان مالي وانا شاده الظهر في هالنقطه ,بصراحه ابي ولاية انديانا وبذات انديانا بولس وابعتمد على معهد els في القبول وبدرس لغة انشالله 6او 7 شهور ضموني للبعثة الحمد الله ما ضموني رجعت والحمد الله من يدري وين الخير والحمدلله

افتح موقع معهد els
افتح الموقع وراسلهم بخصوص الضمان المالي لانو معاك الجنسية الامريكية
واذا انجليزيتك ضعيفة هات الموقع وانا راح اراسلهم لك
و شوف اذا انت عندك واسطه تقدر تاخد ضمان مالي من الوزارة للمعهد بس
بس واسطه
يعني شوف من قرايبك او اخوانك ومعارفكم اكيد راح توصل لاي احد
بعدين انت ما قلت لي ايش المرحلة اللي تبي تكملها بكالوريوس والا ماستر
وايش التخصص
والشي الثاني انا برضو راح اطلع ان شاء الله اكمل ماستر قانون
بس محتار بين
( اوهايو - تكساس - انديانا )
وترى وضعي نفس وضعك راح اطلع ادرس لغة 6 اشهر وراح احاول فيهم
و اذا ما ضموني للبعثة
راح ارجع