وعليكم السلام ورحمة الله وبركاته .. حياك الله اختي ام نواف في بيتك الثاني .. واحنا بخير ونعمه ولله الحمد والمنة
بالنسبة للاجواء هي ابرد من عندنا صيفاً وفي الشتاء طبعا برد موت وثلوج.. يعني تغير جو ولا اروع .. ولكن اذا كان قصدك من ناحية الاحتياطات لها .. فاكيد لابد من اخذ الملابس الثقيلة والجاكيتات خصوصا اذا كانت الرحلات تشمل مناطق ريفية ومرتفعات ثلجية .. وعموما في الصيف جوها معتدل .. ولكن احيانا يبرد الجو اذا كان الجو غيم ونزل مطر ..
ومن ناحية الامن فبعد حفظ الله .. الديرة آمنه ومريحه ولا ينخاف من شي .. طبعا من الافضل عدم الخروج في وقت متأخر من الليل تحاشياً للسكارى والمتخلفين ..
بالنسبة للاسعار بلاشك انها اغلى من عندنا .. سواء سكن او معيشة او تنقلات .. يعني اللي سعره عندك بريال عندهم ب 4 .. مثال بسيط : المويه الصحه الصغيرة لايقل عن 5 ريال .. وجبة ماكدونالد 30 ريال واكثر .. العشا في مطعم لشخصين تقريبا 150 ريال .. كوب كابتشينو او لاتيه 25 ريال .. تذكرة القطار من فيينا الى زيلامسي مايقارب 250 ريال .. وهكذا .. مع اختلاف الاسعار من مكان لاخر وحسب المواسم ..
ومايميز النمسا انها تصلح للشباب او المعاريس او العوائل الصغيرة و الكبيرة .. يعني الزبدة انو النمسا احد افضل دول العالم سياحياً ..
بالتوفيق ..