فقط القليل من التركيز
تذكرت زوجتي يوم تقول لي انا جوعانة واطلب لي اي شيء
طبعا ايام شهر الملكة وماكنت اعرف ذوقها وتفضيلاتها
انا بعد اللحين محتار "معكم انتم الجوز" ههه
وشي تفضيلاتكم
وشو اللي تحبونه وتفضلونه
انا ممكن "أصككم" بجدول توحفة كله متاحف وكنائس
لكن من كتابتك من الموضوع السابق شكلكم تحبون"التشعبط" والإستكشاف
فقط شوفي موضوعين
https://artravelers.com/p/re/108099
والموضوع بسيط اختاري اللي شايفته حلو وعاجبكي
والباقي بسيط
راح ارتب الجدول على اساسه
اي واحد يجي قبل الثاني
وشو اللي يجي اول واللي يجي التالي
ولاتنسين ايضا نهاية اليوم ختامه في مطعم
وش نوع الأكل اللي تحبونه
وبيلز لا تقولين لي عربي
بالتوفيق

هلا اخوي ماتقصر والله يعطيك لعافيه
اما من ناحيه انترلكن
حاجزين في قولدي انترلكن 3ليالي وبعدها متجهين لديفون على خير وعافيه
طيعآ مو شامل الفطور وحابه استفيد من الاماكن الموجوده في انترلكن من رحلان بحريه او خطيه بسياره يعني ما عندك مانع يكون غدانا توست وجبن اهم شي الواحد ينبسط بلمناظر الجميله
بس محتاره مابين تسلق الجبال اللي بديفون او اللي بانترلكن ايهم احلى وارفر مع العلم انا وزوجي محبين للمغامرات
ودي ب
Heimwehfluh
اختك راعت طلعات ونزلات يعني ما عندي مشكله امشي طول اليوم
انت عارف ان 3 ليالي في ديفون ونمشي يوم الرابع لرياض يعني على الصباح على 11 صباحآ لأن رحلتنا على 5 العصر بتوقيت جنيف
اليوم الاول اشوف انو نكتشف ديفون وضواحيها بما اننا مقيمين في هوم بزنس
الفطور بلفندق طبعآ والغداء ايش توصينا طبعآ ابغى مكان عادي مثل بيتزا مشاوي فاست فود اكلات مثل هيك يعني بلعربي ابي اثقل عليك ؟؟
واما ثاني يوم عاجبتي فكره الزحليقه الصيفيه
تنصحني اروح لها او تكون بعيده علي او فيه مكان اروح له ؟؟؟
وثالث ودري اطلع لقمم الجبليه بتلفريك ابي اعرف البرد على اصوله مو مثل اللي عندنا هع
ايهم احلى وارفر

• Aiguilles Rouges

AIGUILLE DU MIDI
ودري اروح آنسي
بلعربي ما نححب متاحف والطقه..... الرحله ذي رحلة استجمام والروقان
يا بو عزوز انت ابوها وسمهاا على ما قيل...
ايش تنصحنا

هلا بك اختي
شوفي بالنسبة لإنترلاكن هذي بعض الأشياء اللي فعلا ماتتفوت
قمة اوروبا - يونفرا يوخ
رحلة المعابر البحيرة الزرقاء مع أوشين سي http://www.aboaziz.net/blog/?p=259
وممكن مع يوم البحيرة الزرقاء تحطين Heimwehfluh أو HardKulum
في الطريق الى ديفون اقترح التوقف في الويست سايد http://www.aboaziz.net/blog/?p=166
من ديفون يمكن عمل الرحلات التالية
يوم لأنسي
يوم لشامونيه (قمتها متعبة وما انصحك فيها) ممكن الزحليقة الصيفية والمدينة نفسها
وممكن تضغطين الأثنتين مع بعض في يوم واحد لكن ممكن تكون متعبة شوي
خاصة اذا كنتم تنون الصخور المحفورة خارج انيسي (شوفي تقريري في الدليل)
ولايد من جولة على مدينة جنيف وزيارة مجمع المانور خاصة لشراء الشوكولاته من الدور الأرضي
بالنسبة للأكل في ديفون فعليكي بمطعم المانورا اللي في سوق الشافان بالقرب من ديفون (4 كم)
هذي هي الزبدة
تقبلي تحياتي

بالتوفيق تروحون وترجعون بالسلآمة,ّ!!

ابو عزوز
الف الف الف الف الف شكر
بس عندي سوال صغيروون
حصلت سياره فكس واجن قولف سعرها لمده 6 ايام 2000 ريال مدري اذا كان صاحب المكتب يلعب علي او لا تكفى طمني قبل اخذها او سياره معينه اختاره وارتاح

GHDOOO
ايه هذا سعرها بحدود 100 فرنك اليوم
حلوه القولف
وحلاتها كابورليه
توكلوا على الله
وتأكدي انكم ماراح تحتاجون الا نوعين من التأمين
الثيفت والكويجين
TP و DCW
thift protection
Dameg Collession Waver
بالتوفيق

الف شكر ابو عزوز
ماقصرتو والله معنا لا انا ولا زوحتي ( الاثنين محللين اليوزر نيم )
إلي بسألك عنه شي اربكني والله اليوم
زميل لي اسولف اتا و اياه اليوم سألني عن الفيزا ( التأشيرات ) قلتله طلعتها من السفاره الايطاليه
قالي ممكن تخولك تدخل باريس بس سويسرا لابد تقدمها من عند سفارتها السويسريه
بالصيف يتساهلون معك ويغضون عن المسأله هذي بس بغيره لا
والمشكله ابو الشباب ماتكلم إلا يوم خلصنا الحجوزات في سويسرا
هو منصح بس احنا خلقه فينا الي مكفينا من الربكه
وشرايك بكلامه صحيح او لا ؟؟
مع الف شكر
ماجد

GHDOOO
هلا بك اخوي ماجد
بعض الناس اذا انفتح موضوع السفر ياحبهم للفلسفة
تحصله اما يتكلم عن شهر عسله اللي مضى عليه 20 سنة
او يبدأ يألف ههه
انا جيت من ديفون قبل شهر
وكنت قبلها (محطة وصولي) فينا (والتقرير جاي ان شاء الله)
ومعي فيزا من اليونان
يعني كوكتيل غريب
تعرف القاسم المشترك بينهم
الشنقن
دام معاك شنقن اتجدى اي جني موف يقول لك وين رايح و وين جاي
دام الشنقن مدة سريانها صالح ومتعددة
توكل على الله
هو التعقيد فقط وقت استخراجها
الدول تحتاط شوي وماتطلعه الا من الدولة اللي اكثر اقامة فيها
جمعة مباركة عليك وعلى حرمك المصون
وعلى جميع من تحب
وعليكم ياعرب يامسافرون