يا أخوان سفرتي في 1/1 وابغا فزعتكم الي عنده اي معلومه لا يبخل علي لانه مافي وقت

1. هلا اخوي الغالي :

ana_bdwi
السلام عليكم ورحمة الله وبركاته .،،،
انا اول مره اجي لبريطانيا والحمدالله تم اخذ الموافقة والفيزا طبعا على حسابي الخاص لمعهد لغة لمدة ستة اشهر الي ابيه عدة استفسارات وادري انكم قدها
1-افضل وسيله نقل من مطار هيثرو الى كاتبري وتكون مريحه حتى لوكانت سياره .
2- افضل انترنت في منطقة كانتبري وطبعا تكون ادائها كويس ومعقوله اسعارها .
3-افضل مكتب لتاجير شقق آو ستديو في المنطقة.
4- اقدر افتح حساب ببنك بناسبه للي في معاهد وايش احسن بنك .
5- وش شركات الموبايل المريحه وتكون مجربه.
واذا احد عنده نصايح لي بالنسبه للمنطقة فلا يبخل علينا
وعليكم السلام ورحمة الله وبركاته .

هلا اخوي الغالي :

بصراحة ما عندي معلومات جيدة عن جميع الاسئلة لكن حبيت اشارك معك وافيدك باللي اقدر عليه .
بالنسبة لوسيلة النقل فيه الباصات وفيه التكاسي لكن انا افضل الباص لسعره الجيد مقارنة بالتاكسي وهو ليس متعب يعني عادي ،،، بالعكس الامر جيد وتقدر تطل مع الدرايش ( النوافذ ) وتتفرج خاصه انها اول زيارة لك .
شكلك تبي تسكن لحالك يعني مو عند عائلة ،،، الاسعار ما عندي عنها فكرة لكن انصحك بالعائلة عشان تطور لغتك والعوائل تختلف لكن الاغلب من اللي شفته انهم راح يفيدونك كثير ( الكلام هذا عن تجربة شخصية لثلاث مرات )
إذا كنت تبغى تاخذ استديو او شقة ،،، فيه تلقى احيانا اعلانات مكتوبة على اوراق معلقه على الجدران ،،، على وزن الاعلانات اللي بالرياض عند البقالات ( معلم انجليزي ثانوي متوسط ابتدائي )
بالنسبة للجوال خذ لابارا Labara اسعارها حلوه ومن جوال لجوال داخل بريطانيا ( لابارا + لابارا ) مجانا
البنك ناسي واش اسمه لكن تقدر تسأل هناك وراح تعرف بسهوله جدا والتعامل مع جميع البنوك رائع جدا
بالتوفيق

مشكور وماقصرت على تجاوبك في الموضوع لا كن مافي سياره من المطار يعني سياره بسواق يكون في خدمات زي كيذا وادري كلفت عليك بس النت وش احسن شي بالنسبه للمنطقة الي انا فيها

هلا بك اخووي
اول حاجه انت جاي لوحدك عزابي ولا معاك عائله ؟
ثاني شئ معااك عفش واجد وثقيل ولا بس شنطه وحده
بالنسبه للتنقل من مطار هيثرو الى كانتربري فيه كذا شئ
اما عن طريق القطار وسعره تقريبا باوند ينقص او يزيد شوي
او عن طريق التكسي اذا امعك عائلك او شناط واجد
الثالث شيء الباص لكن ممل شوي لطول المسافه
شركات الاتصالات التي تقدم انترنت كثيره
وبعضها يكون عليها عروض خاصه اذا كنت مشترك معهك في الجوال
لكن كثير نصحوني بشركه O2
مكاتب الاجار كثيره وكلها موثوقه
واذا تبي الراحه .. كل مكاتب العقار تنزل اعلاناتها عن اجار الشقق في موقع رايت نوف
اكتب في المربع canterbury واضغط على to Rent وابحث عن السكن والسعر المناسب لك وراسل المكتب عن امكانيه توفرها للطلاب وانت تريد رؤيتها ومعاينتها
كثير من الطلاب يفتحون حساب بس اللي دراسته سته شهور ماعندي خبر والله .. وافضل بنك تقريبا لشهرته بين الطلاب السعوديين هو بنك HSBC وفيه حساب اسمه حساب امانه وهو اسلامي من غير فوائد ( ربا )
شركات الجوال كثيره وكلها تقريبا نفس الخدمه
لكن اذا مكالماتك للسعوديه كثيره فيمدحون شركه ليبارا لتسعيرتها الرخيصه للدقيقه الواحده
واذا كنت تبغى تسوي عقد مع شركه لمده طويله مثلا سنه فهناك شركه O2 كويسه وكذلك اورانج
بالمناسبه في اي معهد راح تدرس هناك ؟ وهل راح تكمل دراسه الجامعه
اتمنى لك سفرا سعيدا ودراسه موفقه بإذن الله
وان احتجت لحاجه فحنا بالخدمه

موقع رايت موف
http://www.rightmove.co.uk/