وعليكم السلام ورحمه الله وبركاته
مرحبا أخوي
ممكن تقسيم أيام رحلتكم بين جاكرتا والجبل وباندونق
او
جاكرتا وبالي والجبل
والأفضل أخذ كافة مبلغ الرحله كاش ووضع مبلغ احتياطي ببطاقة الصراف
وهذا رابط أرقام واسماء السائقين
https://artravelers.com/p/re/389407
ومازال لديكم المتسع من الوقت لأخذ معلومات كافية ووافيه عن البلد
من خلال أطلاعكم على مواضيع وتقارير اعضائنا الكرام
بالنسبة للسفارة ممكن أخذ رقم فاكس السفارة وارسال لهم صوره من الجواز
دون الحاجه للذهاب لهم ويمكن ارسال الفاكس من الفندق الذي تسكنه او من أي مكتب
من مكاتب الجبل وتضع فيها كافة معلوماتك مثل رقم الجوال وأماكن السكن المراد السكن فيها

يعطيك العاافيه اخوي الكوكب
بس اذا كان المبلغ حول 15 الف ما يصير مشاكل في المطار او على الاقل زي ما اسمع من الاخوان ان الموظفين ياخذون (هديه)

ماعندك مشكله بالمبلغ إن شاء الله ستين الف وإذا قالك هديه اعطيه الطناش ولا كأنك تسمع شئ

يعطيك العاافيه اخوي الله لا يحرمنا منك
بس استفسار ثاني (اذا تسمح ) اخذ المبلغ بالريال سعودي واصرفه كله من المطار روبيات ؟؟
وحجز الشقه على ما فهمت من نصائح الاعضاء احجز من مكاتب كاها في المطر ؟؟
اعذرني ثقلت عليك

أخوي شوف موضوعي هذا
https://artravelers.com/p/re/634898
انا امس بالليل وصلت بالسلامه الحمد لله
أنصحك نصيحه أخويه لا تروح بدون ما تقرا كل صغيره وكبيره عن اندنوسيا يعني لا تروح زي تقول بتعلم وبخارج
نفسي لا أنصحك أنك تقرا وتروح وأنت متعلم (زرولي)يعني ظروري
وبقولك شئ من اللي شفته باندنوسيا
أحجز الفندق من الحين والأفضل من بوكينق أنا حجزت في بالي من بوكينق أرخص من يوم تحجز من عندهم
التكاسي لا تاخذ الا حقين الشركات وأنت طالع من المطار على الفندق سياراتهم صغار
زي اليارس ولونها أزرق عليها شعار زي الحمامه
وخليه دايم يشغل العداد
خذ معك قاموس و خريطه مصغره حقت الطرق من النت
يالله سلام أنا مستعجل برجع لك

يعطيك العافيه ابراهيم
ويالله انتظرك لا تطول

hammadsaud18
إذا النيه على جاكرتا والجبل وباندونق خذ الريال وحول من السعودية 4000 ريال إلى روبيات لزوم الايام الأولى
ولاتصرف كامل المبلغ عند وصولك أصرف بالمعقول لكل يومين ثلاثه ايام
إذا ماتبي تتوهق بحجز السكن أحجز من احد المواقع السياحية مثل بوكينق واقودا وهذه تحتاج إلى بطاقة فيزا
وبطاقة تسوق الراجحي ممتازه ومجربة

1. شوف كل شئ بيعدي سهالات وابسط من ما تتخيل


2. مو أنت لحالك رايح اندنوسيا بتلقى كثير سعودين وكثير منهم فاهم


3. الياباني قعد خمس دقايق وبعدين فهم اول مره يمر عليه البخشيش

عدنا وأتمنى لكم سفره سعيده
الجبل بكل صراحه ما جيته لكن الشباب يقولون حلو لانه برامجه حلوه وومتعه

شوف كل شئ بيعدي سهالات وابسط من ما تتخيل

مو أنت لحالك رايح اندنوسيا بتلقى كثير سعودين وكثير منهم فاهم

• أول ما تنزل من الطياره بالسلامه لا تتقدم خلك أي واحد تحس أنه فاهم قدام ونفس الأجراءات سوها
• عديت من الاجراءات و(أبو هديه ) ابو هديه واحد مجمرك العالم كلها كان قدامي ياباني وجمركه ههه

الياباني قعد خمس دقايق وبعدين فهم اول مره يمر عليه البخشيش

• خذ شناطك بنفسك بيجونك يقطون وجيهم عليك أصفطهم بس بطريقة محترمه أول مره واللي يكثر لا تعطيه وجه
• بعد ما تاخذ شناطك وتروح جهة التكاسي بتلقى مكاتب الصرف أصرف فلوسك شوف سعر الصرف هنا وكاسرهم

وأعرف وش اللي لك وأش عليك تعلم عد فلوسهم من الحين صدقني بتنصدم أذا شفت الفلوس بيدك
أجع صارف 3000 الاف سعودي ب 6 مليون وعليها ولا في الأحلام
شوف أنا مشت معي الطريقه هذي مثلا ورقة الروبيه ال50000 تساوي بالسعودي تقريبا 22 حولها الدعوه تقريبيه
أحسن من انك تنخم خاصه انك بتوصل وأنت تعبان ولا بتجمع مثلي
شوف الحسبه البسيطه يا غالي اذا بغيت تعرف الروبيه كم تساوي بالريال مثلا ورقة ال50000 الف روبيه تشيل منها
3 اصفار تبقى 50 قسمها على اثنين طلع لك 25 أنت كذا قربة من سعر الصرف أحسن من أنك ما تعرف وأذا
أنت شاطر بالرياضيات أجل احسبها بطريقتك
بعدها يا طويل العمر

• خذ زي ما قلتلك السيارات الصغار حقت الشركات ولازم تكون حاجز لك فندق عشان ما تتعب التنقل

يوم وصلت فريت اكثر من فندق ما لقيت حجز وفي الاخير سكنت في حاره ما فيها ولا سعودي
روح مكتب سياحي ورتب لك حجوزات الفنادق على حسب أيام قعدت في كل ديره

• اذا وصلتوا بالسلامه وريحتوا بتلقون تكاسي عاديه والا خذوا الارقام من عند الشباب هنا وكلموهم

وأتفقوا معهم بالأسعار العاديه يوم كامل يسويلك برنامج يوريكم خيارات واجد المهم
يا الخوي العذر والسموحه أذا طولت عليك ولا تفكر واجد أنك بتتعطل والا بتتوهق خلك ماشي أوكيو وأذا لك
باللعب لا أحسبها الف مره
وبالتوفيق لك

يعطيك العافيه ابو خليل ما قصرت
انا والله جالس ادور الحين سكن في موقع بوكنق زي ما قال اخوي الكوكب لقيت اشياء حلوه بس المشكله انه ما معي بطاقة فيزا وقاعد الحين ادور مع الشباب اي واحد معه فيزا بحجز بيها
ملاحظه # فيه فندق تنصحني فيه في جاكرتا اريح فيه يومين
وشكرا لك