أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مرحبا لوي فيتون اول شي اسمحيلي على التاخير سونوريتا ثانيا : بعد اللف والدوران في ميلان ,اكتشفت ان ميلان تصلح للتسوق بس ... ولا انا مب وجه متاحف واثار وتاريخ (ليناردو دافنشي) انا ادور شلالات وطبيعه ,,,,, الماركات والشوبنج ,الله يخلي مول الامارات
المهم ونفس ما وعدتج: لقيت 3 شوارع تكثر فيها المحلات والمطاعم
1 – corso Buenos aires هذا الشارع طويل فيه وايد محلات اوت ليت وماركات عالميه ومطاعم واكشاك (بعض المحلات مسكرة وبتفتح على نهاية شهر 8 ,يقولون السبب بان الدنيا صيف عندهم الحين واكثر الناس تسكر محلاتها وتطلع ايجازه – شعب دلوع ) 2 – Vittorio emanuele هذا الشارع خلف ساحة الدومو, وتكثر فيه المطاعم والمقاهي ومحلات الماركات العالميه في مطعم اسمه Tree Gazzelle جربيه واتمنى انه يعيبج ولا تنسين الايس كريم بعد الاكل 3 – Monte Napoleone كله ماركات عالميه ( اول يوم رحت هالشارع كنت كاشخ وسامت على بالي شي ههه ,طبعا انصدمت يوم وصلت ) سكة وفيها محلات ههه وهذا محلج نصائح
في باص يوقف قدام ساحة الدومو city sightseeing milano
سعر التذكره 20 يورو ل 24 ساعة
عندهم باصين ,باص يمشي على الخط A والباص الثاني يمشي على الخط B بنفس التذكره تركبين الباصين يلف فيج كل المناطق السياحيه في ميلان والشوارع المهمة (تقدرين تنزلين من الباص عند اي منطقه سياحيه ,تتمشين فيها وتصورين وترجعين للمحطة وتركبين الباص وتكملين الرحلة وعندهم ترجمة بالانجليزي واذا تبين صيني او اسباني موجود ههه)
ابدوا برنامجكم اليومي من الصبح لانه الشعب الايطالي (دجاج) بعد الساعه 7 ما تلقين احد في الشارع وكل المحلات تسكر الساعه 6 المساء
امس قلت : بروح السينما الساعه 8 (كل الافلام بالايطالي) شو هالتخلف !! الحمدالله اني جايب معاي افلام في اللاب توب ,رحت الفندق وقعدت اشوف الفلم لين ما نمت اخت لوي فيتون انا موجود لين باجر في ميلان وبعدها رايح فينيسيا ,يوم واحد وراجع البلاد اذا في اي استفسار انا حاضر وتحياتي
لهدرجه الموضوع ما عجبكم!!!!