فهد الخضر
25-07-2022 - 09:51 pm
السلام عليكم ,, اول شي عيدكم مبارك وكل عام وانتو بخير ,, طبعا انا صارلي يومين مادخلت المنتدى لان توني راجع من البحرين رحت يوم الاثنين واليوم رجعت ,, المهم سكنت في Ritz Carlton طبعا حده عجيب ووايد حلو بس سعره غالي شوي خذيته من الكويت الليلة اب 108 كويتي بس الصراحه يستاهل ويعتبر اكثر من خمس نجوم لانه منتجع كامل مع فندق فيه مسبحين واحد داخلي وواحد خارجي وجاكوزي وملعب سكواش وصاله رياضيه فيه 4 مطاعم واللوبي طبعا ماعليه كلام يشرح الصدر والناس فيه راقيين ومعامله الموظفين ممتازه وتدخل الفندق عبالهم شيخ داخل عليهم ,, طبعا الكلام لا مبالغه فيه كله حقيقه وواقع وانشالله هاليومين راح انزل صور الفندق وصوره الغرفه اللي مستواها راقي ,, التلفزيون فيه انترنت وفي كيبورد وتكرمون الحمام فيه سماعه تحط فيها اغاني وانت تسبح يعني على مستوي الصراحه ,,
مابي اطول عليكم نطروني يومين انشالله وانزل الصور
الله يعطيك العافيه اخوي فهد جزاك الله خير
انا طبعا اول مشاركه لي في هذا المنتدى الطيب
وجبيت اوجه لك فيها الشكر اخوي على التوصيه لهذا الفندق الاكثر من رائع
انا اليوم واصل من البحرين وسكنت في ((( ريتز كارلتون ))) علي حسب توصيتك
اخذت الليله ب 142 دينار بحريني مطله عالبحر+حمام السباحه الاثنين
صراحه موخساره فيه
اعتبره افضل فندق بالبحرين رقم ((1)) من جميع النواحي الخدمه لو تطلب برتقاله لونها عسكري احتمال يجيبونها لك +الفخامه الغرفه واسعه(اعتبرها استدويو) وفيها جميع مايلزم حتى السجاده ام بوصله حاطينها لك +الراحه والهدوء لدرجه ان تشعر انك انت الوحيد بالفندق +الاسقبال وكأنك رئيس دوله داخل عليهم
غير الانترنت بالغرفه نفسها موجود كيبورد تشبكه بشاشه التلفزيون(المصطحه طبعا) وتحول التلفزيون للانترنت وايضا اصحاب الاب توب يستطيعون الشبك عن طريق وصله موجوده بالغرفه وسريع الدقيقه ب 400فلس واذا تعدي الوقت نص ساعه يحسب عليك ب 15 دينار يوم كامل 24ساعه لك مفتوح
وايضا موجود 10 افلام فيديو متغيره كل يوم تستطيع ان تختارها عن طريق الريمونت كنترول
هذا غير المنتزه الخارجي المصغر المحيط بالفندق يشرح الصدر ويصلح لرياضه المشي نظرا لتنسيق الزهور فيه والممرات وايضا لا ننسى حوض السباحه الموجود فيه
باختصار فندق روعه خاصتا (للمعاريس )