نشر في لندن

افضل طريقة نقل الى المدن البعيدة عن لندن

aboans

19-10-2022 - 07:15 am

السلام عليكم الى الاعضاء الكرام
ارجو منكم التوضيح ما هي افضل وسيلة نقل من مطار هيثرو الى المدن الاخرى البعيده عن لندن وبالتحديد مدينة لنكولن شمال شرق مدينة لندن حيث تبعد عن مطار هيثرو 3ساعات بالقطار تقريبا والتغير الى ثلاث محطات وطبعا هذا شي متعب ومكلف لنا ونحن عايلة تتكون من سبع اشخاص
ولكم مني الدعاء :8888:

التعليقات (9)

القطري

19-10-2022 - 09:29 am

وعليكم السلام ورحمة الله وبركاته
هلا وغلا الغالي
خطاكم الشر ان شاءالله
الغالي إذا بتروحون لمدينة لنكولن فتطلعون من محطة كنغز كروس إلى محطة Peterborough واتغيرون قطار إلى لنكولن
واي خدمه احنا تحت امرك الغالي

aboans

19-10-2022 - 10:30 am

القطري
الله يزيد غلاك اخوي القطري
ومشكور وايد على سرعة الرد وبصراحه ان احب اهل قطر وايد بعد ولا يهونون الباقين
مثلك عارف اخوي ودي بطريقة نقل غير القطار لانها مودايركت و مكلفه شوي بعد والي اهم ان اغراضنا مو شويه على الاقل بيكون معانا سبع اوثمان شنط
والشكر موصول لجميع الاعضاء

القطري

19-10-2022 - 11:31 am

هلا وغلا الغالي
والمحبه في القلب ..
حاول تتصل بشركة الميني كاب واتشوف إذا كانوا بيوصلونكم خارج لندن ولا لا !!
هذا رقمهم
http://www.milesfaster.co.uk/prices.htm
AIRLINE CAR SERVICE
A London P.C.O Registered Company.
Licence Number: 00338/01/01
Phone:+44 20 7433 3330
Fax:+44 20 7794 1780
اموفق الغالي

aboans

19-10-2022 - 12:32 pm

القطري
جزاك الله كل الخير اخوي القطري على الحرص والمعلومه
ودي اخذ رايك وراي القراء الكرام شرايكم بفكرة تاجير سياره من المطار او من مكان قريب عليه اروح فيها لحد المكان الي ابيه وبعدها اسلمها للشركه اذا كان عندهم مكتب قريب من الي بروح له

عليان11

19-10-2022 - 01:33 pm

aboans
كلامك سليم هذي اوفر واريح طريقة لعائلة كبيرة ،
او انكم ترحون بالباص واسعار السفر بالباص رخيص ، بس ماعتقد انه راح يكون افضل من اسأجار سيارة ،بس اهم شي التوم توم اذا استئجارت سيارة وفيه محلات تأجره بعشرة باوند اليوم .
بس ياليت تفيدنا اي مدينة راح تسافرون لها علشان نقدر نفيدك اكثر ...
من خلال كلامك يبدو انكم متجهين لمدينة يورك او هل او مدينة قريبه منها ...

aboans

19-10-2022 - 02:34 pm

عليان11
بعد عمري اخوي عليان 11
ولا يهونون القراء المحترمين
انا بصراحة مستبعد وسائل النقل العامه لانها متعبه ومو دايركت يعني لازم تبدل اكثر من محطه واغراضنا بعد مو شويه تقريبا 7 شنط او اكثر شوي
والمدينه الي رايح لها مو مشهوره وايد اسمها لنكولن lincoln شمال شرق لندن تبعد تقريبا ساعتين
وان شاء الله تفيدونا بالمعلومات الزينه و يقدرني ربي اردها لكم

aboans

19-10-2022 - 03:35 pm

شرايكم حصلت سياره اجار استلمها من المطار واسلمها في لنكولن لمدة يوم كامل لعدد 7 ركاب بمبلغ 110 باوند
شاكر لكم ارائكم و مشركاتكم

CPA

19-10-2022 - 04:36 pm

aboans
السلام عليكم اخوي ابو انس وجميع الاعضاء
اذا تعرف تسوق توكل على الله السعر ممتاز
ممكن تحصل اقل بالشركات الكبيره مثل ثرفتي
ولاتنسى التأمين والتوم توم
تحياتي

aboans

19-10-2022 - 05:37 pm

cpa
مشكور على التشجيع والنصيحة الغاليه ، والسواقة ان شاء الله امرها هين و الله يعيني عليها لان شوارع بريطانيا غير العالم كله مثل ما تعرف

لندن المسافرون العرب

افضل طريقة نقل الى المدن البعيدة عن لندن