أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
السلام عليكم ورحمة الله وبركاته
اخواني ايش هي افضل الجامعات في امريكا لدراسة القانون او الشؤون الدوليه والسياسيه
واي ولايه هي الافضل من ناحية امن ومعيشه
والله يجزاكم خير
افضل الجامعات عندكم هارفارد في بوسطن وجامعة يال في كونيكتيكت وجامعة ستانفورد في كاليفورنيا وجامعة جورج تاون في واشنطن دي سي .. هذي تقريبا احسن الجامعات وكلها في مدن امنه الحمدلله واذا على المعيشه تراها ارخص من قطر بمراحل ومن لندن وفرنسا .. لكن دراسة القانون في امريكا تختلف عن دول العالم حيث الدرجات العملية اللي تقدمها الجامعات الامريكيه غير عن دولنا فا سؤالي انتو وشو الدرجه العلميه اللي تبون تستحصلون عليها ؟ اذا عندكم فقط ثانوية عامه فا مايصير تدرسون لان دراسة القانون تبتدي من بعد البكالوريوس وتسمى هالدرجه jd ولها امتحانات معقده غير ان الصعوبة في القبول !!
Stranger Man
طيب الشييخ تقدر تعطيني روابط مواقع هذي الجامعات ولا علييك امر
ياخوي انا توني متخرج من الثانويه يعني بدرس بكالريوس مش دراسات عليا
طيب لو ماحصلي القانون بالنسبه لشوؤن السياسيه ايش هي افضل الجامعات
والله يجزاك خير يالشيخ
اذا انت توك متخرج من الثانويه ماتقدر تدرس قانون في امريكا مثل ماقلتلك الدراسة تبتدي بعد البكالوريوس واذا انت حاب تدرس قانون عندك بريطانيا فيها جامعات قويه جدا وعلى مستوى العالم انصحك فيها .. بالنسبة لدراسة العلوم السياسية في امريكا هذا تخصص يوجد في كثير من الجامعات .. نصيحتي لك روح للمجلس الاعلى للتعليم .. هيئة التعليم العالي واسال عن الموظفه المختصه لابتعاث الطلاب لامريكا فهي جدا محترمه وتساعد وكثير من الطلبه ساعدتهم على الالتحاق بالدراسه .. حاول وربي يوفق
Stranger Man
طيب الشيخ شنهي الجامعات البريطانيه الي اقدر ادرس فيها قانون ؟
انا ياخوي مجموعي 74.1 فامااعتقد انه المجلس الاعلى ممكن يرسلني بعثه
انا ان شاءالله بروح لهم لو كان في مجال لابتعاثي خير وبركه
لاني انا حاط ف بالي ادرس على حسابي
والله يجزاك خير يالشيخ
والله ياخوي ماعندي علم عن الجامعات البريطانيه وهذا تقدر تستدل عليه اذا رحت لهيئة التعليم العالي حتى لو بتدرس على حسابك هم يساعدونك .. لكن في نقطه اخوي ابي ابينها لك ..
طلاب المدارس المستقلة شهادتهم غير معترف فيها في اغلب جامعات العالم لان التقييم والنشاط له 60 % من درجة المواد و 40 % اختبارات الطالب عشان كذا كثير من الجامعات ماتعترف فيها !!
في بريطانيا عندهم نظام الفاونديشن وهو ان الطالب يدرس سنه فاونديشن من غير اللغه وعقبها يدخل الجامعه ..
فا انت عشان تكون الصوره واضحه لك روح للمجلس الاعلى للتعليم واهم بيعطونك الخبر الصحيح لان والله ماعندي خبره لطلاب البكالوريوس لاني ادرس ماجستير
دامك متخرج من مدرسة حكومية الحمدلله راح تلقا قبول على هذا المجموع .. اذا رحت للمجلس الاعلى اسألهم عن دراسة القانون في كندا انا اسمع والله اعلم انها جيدة وتستطيع دراسة القانون بمرحلة البكالوريوس .. انت اسألهم عن قوة الجامعات الكنديه بتخصص القانون ومن اقوى كندا او بريطانيا ولاتنسا تطمنا عليك اخوي
