أعتقد أن الخطوط التي تعمل بشكل مباشر بين لندن ومطارات المملكة العربية السعودي هي الخطوط السعودية وخطوط Bmi فقط . أما الخطوط غير المباشرة فكثيرة ، لكنها غير مناسبة لوضعك في اعتقادي لكثرة ترددك .
لم أجرب خطوط Bmi ، لكني قرأت لكثير من المبتعثين ذما لها .
وأعتقد أن السعودية تقدم في غير المواسم عروضا مغرية على خطي لندن ومانشستر .
وفقك الله .. والله يعينك على الضيق في بريطانيا بعد الوساع في أمريكا ...

مسار الرياض - لندن والعكس على الخطوط السعودية ممتاز في كل شي إلا السعر أيام 2600 إلى 2800 وأيام 3300 إلى 3800 وأيام 5000 !!! ماعرفنالهم، أما bmi الدرجة السياحة مفصلة على درجتين على ما أذكر أو ثلاث يختلف فيها حجم الكرسي و الوزن المسموح للعفش وعدد القطع، وبالنسبة لخط الرياض الدرجة السياحية واحده وبسعر مخفض هو 2387 وحتى 2648 ريال، وأحياناً تاخذ عدوى إرتفاع الأسعار مثل الخطوط السعودية. وأعتقد إذا سفرك من بريطانيا إلى السعودية كل شهرين بالويك إند مالك إلا هالشركتين أسرع لك بس يعيب الbmi قلة عدد الرحلات.
أما إذا بتقعد أسبوع أو أكثر في السعودية، فرحلاتك بتكون أوفر على خطوط طيران الإمارات والإتحاد والقطرية.

مشكورين اخواني على الردود وانا اي جية لي للرياض لازم اقعد اسبوع او زيادة وماعندي مشكلة بالترانزيت في الدوحة او الامارات لاني في الحقيقة ادور شي يناسب كثرة ترددي لان نظام الدراسة هناك اسبوعين دراسة واسبوع اجازة وبعدين والله الاسعار ذي غالية يعني من امريكا فيه عروض الف دولار رايح جاي للرياض ومن بريطانيا وهي قريبة الاسعار الي تتكلمون عنها غالية اذا ماقارننا المسافة بين بريطانيا وامريكا

شوف يا غالي ارخص طيران منوالى لندن بدون منازع القطرية بسبب كثرة الرحلات اليومية على لندن واذا تبي ارخص تاخذها من والى مطار جاتويك ب 2200 ريال وفي نوفمبر الماضي اخذتها ب 1800 ريال من مكتبها الي تحت برج التعاونية .. والدرجة الثانية السعودية كل ما حجزت مبكر رخيصة انا اخذتها سافرت اول سبتمبر ب 2730 ريال لاني حاجز من ثلاث شهور والاتحاد والقطرية كانوا ما بين 3100 و 3300

انا جربت الخطوط السعوديه درجه سياحيه , وتقديري لها ( فوق المتوسط ) وبس

مرحبا من تجربتي انصحك بالبرتش مدلنbmi صار لي تسع شهور في برايتون وكل ست اسابيع انزل للرياض ولقيت البرتش مدلن افضل خطوط من ناحية السعر والخدمة وامكانية الحجز في اي وقت
وبالتوفيق

السلام عليكم اخوي : alwafy516
انا اسف على فضولي ولكن عرفت منك انك كنت مبتعث لامريكا و بعدين انتقلت لبريطانيا ....
انا عندي نفس المشكله والله تعبت من المشوار , ممكن تقول لي وش سويت بالضبط ؟؟؟ وهل موضوع الانتقال بسيط ؟؟؟ انا ما بعد ابدأ بالاجراءات بس ودي أسأل فيها ؟؟ اذا ممكن تقول لي الخطوات اللي سويتها بالتفصيل ... الله لا يهينك .
بانتظارك

تكتب للوزارة ظروفك وتعطيهم المعروض وهم يوافقون او لا واذا وافقوا يعطونك ضمان مالي تراسل به الجامعات وتجيب قبول وتعطيهم اياه ويحولونك بس

مشكور اخوي على الرد , بس انا عندي استفسار اذا ممكن ...
بالنسبه للمعروض مين أعطيه الوزاره اللي في الرياض و لا الملحقيه ؟؟ لاني انا حالياً في امريكا ..
و كيف شرحت لهم ظروفك ؟؟ اذا ما عنك مانع....
و هل الموضوع يحتاج وقت طوييل ...؟؟...........ساعدني الله لا يهينك
وش رايك بالاوضاع بعد الانتقال ... ؟؟