محمد النصار
هلا بأخي الفاضل حياك الله بين أخوانك وخواتك تفيدون وتستفيدون
وأي خدمه أحنا حاضرين

تسلم روحك اخوي المزعج
عدم رغبتي في شراء قارمن هو اني ما احتاجه الا هناك بس ، لأن سيارتي هنا فيها قارمن
لكن شورك و هداية الله .
طيب كيف اوصل الى لوقانو من مطار جنيف عشان يورب كار ؟ وكم يومية السيارة تقريباً ؟
اكرر شكري يالمشرف الغالي

معليش سؤال اضافي : هل فيه استقعاد و تفتيش للاب توب بخصوص الويندوز الغير اصلي مثل لندن ؟
والا الأمور سهالات ؟

نصيحه اشتر لك قارمن
واحفظ فيه كل الامكان الي تبي تروح لها في المفضله
علشان يكون شغلك مظبوط
بس من تركب سيارتك وتطلع من المكتب ولا انت حافظ كل اموركم
من البدايه مكتب التأجير الى النهايه تسليم السيارته
انا قبل لا اروح بالصيف كنت حافظ كل شي فنادقي والمدن الي ابي ازورها
راح تسهل عليك العمليه واسهل القارمن من الي في السياره
وعندك اكثر من شركة تأجير ودائما لا تأجر من المطار لانهم ياخذون ضريبه والسعر يزيد
تقدر توصل لوقانو بالقطار
وتقدر تعرف الاسعار من مواقع الشركات
مثل سكست و هرتز و يورب كار

محمد النصار
هلا أخوي
القارمن مثل ما تفضلوا الأخوان الأفضل تشتريه من بلدك
2/ رحلتي كلها عشان انترلاكن وماحولها ، لكن ابي ازور آنسي في فرنسا هل تصنحوني بجدول معين ؟
إذا إفترضنا الذهاب والعودة من جنيف
فممكن تكون 12 يوم و11 ليلة مقسمة كالتالي
عند الوصول التوجه مباشرة إلى لوزان
3 ليالي لوزان ومنها تكون لك زيارة لآنسي الفرنسية
5 ليالي إنترلاكن
ليلتين زرمات
ليلة جنيف
3/ أفضل طريقة لإستئجار السيارة ومن وين ؟
حتى تريح بالك من المطار عند الوصول
الف شكر جميعا .. بس ياليت اللي يعرف لو حرف يفيدني لا احد يبخل علي الله يديم عليكم السعاده
جاوبتك وإن شاء الله أفدتك
وإذا عندك أس سؤال لا تتردد
وإن شاء الله نفيدك بإللي نقدر عليه
بالتوفيق

محمد النصار
NO NO NO
ما عمرهم فتشوا علينا والأمور سهالات بإذن الله
وعلى فكرة أنا أخلي جهازي في الحقائبالكبيرة مع العفش

احلى تحيه
يامحمد
القارمن اللي معاك بسيارك ليش ماتشيله معك ؟؟؟
اهداء لمحمد النصار
نعنع كؤووسك ان اردت شرابها ... لاخير في شاي بلا نعناع

شيخ على ربعه
أشكرك اخوي على النصيحة بخصوص القارمن لكن اذا ماتنصح استأجر السيارة من المطار اجل افضل استأجرها من اي مدينة ؟
لوقانو او جنيف ؟
ولك الشكر
swiss heidi
هلا اختي.. فعلاً الذهاب والعودة الرياض - جنيف
لكن ماتشوفين ان لوزان كثير عليها 3 ايام ؟ ماش ماكني حبيت هالمدينة من التقارير عنها ، و أجس انها بعيدة عن آنسي .
في انترلاكن : يفضل السكن في انترلاكن نفسها او القرى اللي حولها ؟
وهل هي نقطة انطلاق الى لونجرن وباقي الاماكن السياحية في سويسرا ؟
أكرر شكري اختي ماقصرتي فعلاً
مسافر هاوي :اللي بسيارتي نفقيشن ثابت اللي يجي في اللكزس والا ودي والله اقشعه واخذه معي .
وتسلم ع الآهداء فعلاً وش الشاي بدون نعناع
تحملوني عاد على كثرة الاسئلة

محمد النصار
أشكرك اخوي على النصيحة بخصوص القارمن لكن اذا ماتنصح استأجر السيارة من المطار اجل افضل استأجرها من اي مدينة ؟
لوقانو او جنيف ؟
ولك الشكر
عذرا على المداخلة
لكن إذا إن الوصول والعودة من جنيف
و ما راح تستأجرها من المطار أكيد ومن دون تردد من مدينة جنيف
وعندك الرابط لمعلومات عن شركة سكست في جنيف
https://artravelers.com/p/re/433823
swiss heidi
هلا اختي.. فعلاً الذهاب والعودة الرياض - جنيف
لكن ماتشوفين ان لوزان كثير عليها 3 ايام ؟ ماش ماكني حبيت هالمدينة من التقارير عنها ، و أجس انها بعيدة عن آنسي .
لوزان رايقة ومرتبة وتعتبر نقطة إنطلاق لكثير من المزارات السياحية
في سويسرا والأراضي الفرنسية
وتبعد تقريبا ساعة وربع عن آنسي الفرنسية
عموما ممكن تطلع على الرابط والصفحات التي تليه حتى يكون عندك تصور عن لوزان وما جاورها
https://artravelers.com/p/re/340238
في انترلاكن : يفضل السكن في انترلاكن نفسها او القرى اللي حولها ؟
إذا تحب الحركة والسهر خلك على وسط إنترلاكن
وإذا تحب الهدوء فالقرى أروق وأفضل
وإنت شوف إللي يناسبك
وهل هي نقطة انطلاق الى لونجرن وباقي الاماكن السياحية في سويسرا ؟
أكرر شكري اختي ماقصرتي فعلاً
بالضبط ,,, يكفيك موقعها في قلب سويسرا
وحياك في بوابتنا الحمراء
بالتوفيق