السلام عليكم ورحمه الله وبركاته
عندي كم استفسار بسيط وان شالله اللي عنده خبره مايقصر.
انا موظف و ان شالله ناوي اروح اسباني للدراسة على حسابي و اذا يسرها رب العالمين ندخل مع البعثه, انا راسلت كذا جامعه قبل فتره عشان القبول المبدئي بس ماعرفت لهم اراسلهم بالانقلش يردون ب الاسباني حاولت اترجم بس مافهمت غير انهم يبغون لغه!
وقررت اروح ادرس لغة بالمعهد هناك لأن طبعا قبول المعهد سهل و احاول اجيب قبول جامعه و انا في اسبانيا .
بحثت عن المعاهد وشفت افضل معهد اسمه Tia Tula في سلمنكا موقعه حلو و اسعاره معقوله!
و ايضا سلمنكا فيها جامعه معترف فيها قلت زين اصير اتفاهم معهم دامهم قريبين.
معليش طولت في الكلام لكن بس حبيت يكون عندكم خلفيه عن الموضوع .
الاستفسارات هي : ماهي الدرجه او الكورس اللي تطلبه الجامعات لأنه فيه اكثر من نوع الكورسات و ما ادري اسجل ب اي واحد CICC ولا CICO ولا CI وهل فيه مده مطلوب ولا متى ما اتقنت اللغة او عديت اختباره معين؟
و بالنسبة للورقة تبع الادله الجنائية اللي اخذها من السفاره هل احتاج موعد من السفاره عشان اخذها لأنه على كذا معناته راح احتاج اخذ موعد اكثر من مره ؟
وغير الاستفسارات هذي اذا احد عنده نصيحه لا يبخل علينا.
وشكرا,,,