مرحبا اخوي الاسباني ما قلت انت من وين من السعودية من الرياض ولا وين اذا كنت من الرياض فأفضل نقل هو نقليات العالمية أو نقليات الامان حلوه ودير بالك تسافر على الجميل أو النقل الجماعي الجميل سواق واحد وكل شوي يوقف وبطئ جدا وزحمه يرص العفش مع العوائل اما النقل الجماعي فهو كويس بس مشكلته يوقف بمحطات كثير ينزل ركاب وطلع ركاب فتتأخر بالخط كثير
سم سم

للي يبغي سائق في سوريا يلففه سوريا بأماكنها الأثرية (مكتب عنبر - الجندي المجهول -قصر العظم - الجامع الأموي - المتحف الحربي - مقام صلاح الدين - مقام النبي هابيل - الزبدني وبلودان ومضايا وبقين وبحيرة زرزر - والأسواق مثل الحميدية وباب توما والمساكن والصالحية والحمرة) وغيرها كثير تحصلونه عند أبو سامر عمره 70 سنه سائق تاكسي قلبه أبيض وقنوع صحيح سيارته قديمة لكن أنا سميتها المبروكة لأنها لففتني الشام كلها (هاهاهاهالكن مع ذلك ماحبيت البلد لأنها وسخه يعذروني اللي يحبون سوريا) رقم تلفونه 5119996 وإذا بتتصلون من سوريا أضيفوا 011 يعني بيصير الرقم 0115119996 لأنه ما عنده موبايل وهذا تلفون بيته قولوا له من طرف أبو عبدالعزيز وترى اللي يروح سوريا يحرم يرجع لها.

اخى ابو عبد العزيز ماذكرت الكلفه بكم وكيف اتفقت معاه لابد من التفصيل.
2-الرقم يمكن قصدك اضافه 11 الى الرقم عند الاتصال من خارج سوريا حتى مايتوه الاخوان الذين لايعرفون.وذلك بعد المفتاح الدولى 00963
3_لم تذكر اسباب تحريمك العوده لسوريا .حتى نستفيد او نقول لك ما ذا يجب ان تعمله اوانك عملت شيئا مختلفا .او طموحاتك تفوق الدول العربيه خاصه سوريا اشكرلك .ماذكرته عن مناطق الزياره اعلاه ترى تنفع كدليل لكن لو سمحت ابغ تجاوبنى على الاسئله ولك شكرى

من مميزات حافلات النقل الجماعى ان التدخين ممنوع فيها اثناء السفر

شكرا اعزائي علي المرور
اكيد انا ابي اروح من الرياض
اما من ناحية النقل الجماعي انا شايله من راسي لانه يوقف كثير ويطول في الطريق صحيح انه يمنع التدخين لكن المده طويله ولذلك شلته من بالي
اما من ناحية المكاتب الاخري العالمية في واحد راح فيها العام لكن يقول الروحه تمام لكن الجيه زفت الباص خايس
الامان ماعرف احد جربه
يقولون بعد الخلف تمام
وش رايكم
تحياتي

مساء الفل أخوي الراي أولا أنا أم عبدالعزيز ولما تروحون لأبو سامر قولوا له من طرف أبو عبدالعزيزأو أبوعبدالعزيز وأم عبدالعزيز ما تفرق لأنه يعرفنا هو وعايلته كويس أكلنا وشربنا معهم وتغدينا في جنة بلودان ومطاعم كثيره من الزهق من البلد كنت آخذ أم سامر زوجة صاحب التاكسي معي تونسني وألف فيها الأسواق والمطاعم ومع ذلك ما أنبسطت أولا التلفون إذا بتتصل من موبايلك الخليجي لابد من إضافة 011 صفر إحدى عشر قبل الرقم هالشكل قالوا لنا إذا بنكلم تلفون أرضي في سوريا. ثانيا شفنا أبو سامر بالصدفة وأحنا طالعين من السوق وسألناه بكم تلف فينا الشام في اليوم قال ب600 ليرة قلنا يابلاش لأن أصحاب التكاسي اللي سألناهم قبله قالوا 1500 أو 2000 ليرة المهم لما لف فينا أول يوم عطيناه 1200 ليرة يعني دبل واليوم الثاني 1500 ليرة واليوم الثالث 2000 واليوم الرابع 2500 يعني من زود الكرم اللي فينا طمعناه فصار يزعل لما نعطيه 1500 وبصراحة هو مش طماع لكني حرمة وأعرف الحريم زوجته الله يهديها أم سامر لما كانت تشوف صرفي في السوق وتشوف الدولارات كانت تحول عيونها بس الأفضل أنكم تتفقون معاه من البداية ولاأتعرفون على زوجته هاهاهاهاها (حريم ونفهم بعض) بس ماشاء الله عليه مرشد سياحي وخدوم جدا جدا جدا وأما عن أني قلت أني حرمت أن أرجع سوريا لأن البلد لفيتها وما أعجبتني ( مقارنة بأوروبا) وبعدين الله يهدي الشعب السوري دايما يسألونا أنتو من وين ولما يعرفون أن أحنا مش من السعودية ومش من الكويت ينزلون سب وشتم في السعوديين والكويتيين مع أني أشوف أن سياحة بلدهم قايمة على السعوديينم والكويتيين( بس تعبت من الكتابه هاهاهاهاها)

lola440
يعني سواق يتكل عليه ولا الله بالخير
تحياتي

إخواني أبو عبد العزيز وأم عبد العزيز تعقيباتكم رائعة جداً ولكن ما تلاحظون إنها ما لها علاقة بالموضوع الأساس(مكاتب السفر البرية)، ولكن بما أن هذه التعقيبات ثرية بالمعلومات أقترح (مستقبلاً) أن تضعوها في عناوين مستقلة..
أما من ناحية مكاتب النقل البري (مالي خبرة فيها) ناوي أجربها..
أما قصة أبو سالم اللي حبيناه قبل نشوفه فأرى أن السائح يتعامل مع التكاسي اللي بالشوارع أفضل بكثير حتى يأخذ راحته، وأصلاً ما راح يتوهّق لأن التكاسي كثيرة جداً في المناطق السياحية..كما أن هذه الطريقة أكثر توفيراً وفيها نوع من التجديد لأن الإنسان يسافر ليقتل الروتين..
تحياتي للأسباني ولعائلة lola440 ول سام سام و لصديق المنتدى الرأي.
مغامر

أخوي الأسباني بالنسبة لأبوسامر شخص تتكل عليه 100% طيب وقنوع بس سيارته قديمة كباقي تكاسي سوريا بس ممكن تطلب منه يوديكم بسيارة ابنه سامر لأنه هو بعد سواق تاكسي بس احنا أرتحنامع أبو سامر وبسيارته القديمة اللي سميتها المبروكة هاهاهاهاها بس أفضل شي تتفق معاه من البداية على السعر باليوم كم ياخذ لأن كان يقول اللي تدفعونه وكنا نخجل نعطيه 1000 وتكون قليلة فكل يوم نزيد شوي لحد ما حسينا أن أحنا مصخناها هاهاها.. ومثل ما قال الأخ مغامر أن تاخذ بالمشوار أوفر لأنك بالمشوار بتدفع 100 ليرة يعني 3مشاوير في اليوم داخل الشام رايح جاي 600 ليرة أحسن من دفع1500 ليرة ليوم كامل لكن أحنا أخذنا تاكسي وحاسبناه باليوم حتى نطلع من الأماكن السياحية على السوق ومن السوق على المطعم في الزبداني أو بلودان نتغدى وبعدين أنتمشى في المزارع لحد ما نرجع الشقة وبتكون كل الأشياء اللي شريناها في السيارة غير عن لما نطلع من السوق ونرجع الشقة وبعدها نطلع ونوقف تاكسي حتى نطلع مرة ثانيه وهكذا يعني نطلع من الشقة الظهرالساعة 11 وما نرجع إلا المغرب الساعة 8