إذا ممكن تودع في حسابك مبلغ يغطي مصاريفك لثلاثة او اربعة اشهر يكون افضل وكلما كبر المبلغ وضعك يكون افضل
بعد ايداع المبلغ اطبع كشف حسابك وخذه معك مع ورقة تعريف بالراتب
وان شاء الله امورك سالكة

انا موظف في وزاره الصحه وسيويت المقابله ولا تدري عني الوزاره المهم السفاره مالها اي دخل انك موظف بالعكس لما تكون موظف يكون احسن وعندك فرصه كبيره انك راح ترجع السعوديه وانه ليس لديك اي رغبه في الهجره وبالتالي يعطيه فرصه اكبر في الحصول علي الفيزا انا سويت المقابله واحضرت لهم تعريف من العمل وقمت بترجمته وتصديقه من جهه العمل( والسفاره تفضل الموظف الذي في وزاره) والحمد لله حصلت علي الفيزا خلال شهر من تاريخ المقابله ايضاً الزبده عادي قلي لسفاره انك موظف ولا تنسي شهاده التعريف اهم شي بالنسبه لضمان المالي احضر ضمان بنكي لا كن انا مستغرب كيف راح تحضر ضمان مالي بدون I-20 اتمني اني اكون جاوبت علي تساولاتك
تحياتي

1. أخي العزيز والحبيب ..


2. يعني أكثر من كذا ما في .. ما معي إلا جوازي و خايف عليه

أخي العزيز والحبيب ..

موعدي كان الأسبوع الماضي وناوي أكتب موضوع عنه ونظراً لضيق الوقت لم استطع حتى الآن ..
أنا موظف من خمس سنوات وعملت بعدة قطاعات منها الأبن البار لوزارة المياه - المؤسسة العامة لتحلية المياه المالحة " بالعربي إنت زميل عمل -- خشمك " مالك في الطويلة ومغامراتي بالوظائف حتى استقريت بشركة إتصالات ولا أعجبتني مره ..
رحت للسفارة وتنقصني الأوراق التالية :
1- لا يوجد .. خطاب سفارة .
2- لا يوجد .. ضمان مالي .
3- لا يوجد .. i-20 (( عندي واحد من أحد معاهد سياتل منتهي له شهر بس قالتلي الموظفة لا تقدمه لأني غيرت المعهد قالت أحسن لك حتى ما يعقدوا موضوعك ))
4- لا يوجد .. دفع سيفس.

يعني أكثر من كذا ما في .. ما معي إلا جوازي و خايف عليه

والحمد الله دخلت وعطوني الورقه الصفراء " ما ني قايلك وش صار لي مع الأخت اللي سوت المقابلة لأني بنزلها كموضوع "
وقالت بيتصلوا عليك بعد أسبوعين جهز أوراقك والله قبل ما يتم الأسبوع أتصلوا علي وقالوا تعال وجيب النواقص عشان تأخذ الفيزا .. قلت والله أنا مسافر لدبي مهمة عمل بجلس شهر و10 أيام قال لي تعال متى ما جيت بعد الساعة 1.30 ظهراً .. قلت من عيوني أبرك الساعات ..
أتكل على الله وخل إيمانك بالله قوي وأهم شئ إذا سالك سؤال تفلسف .. انا مقابلتي مدتها تقريباً 18 دقيقة ودي أجلس أكثر أنواع الفلسفة عليهم .. حسوا إني واثق من نفسي كثير ..
مع إنه سافرت لسوريا 4 مرات
وعندي فيزا لكندا ولا ذهبت وانتهت الفيزا قبل الموعد بشهرين يعني قريب وكنت متخوف إنهم يدققون على هالموضوع بس كنت متسلح بجميع الأوراق الرسمية وغير الرسمية ولساني اللي ساعدني في محنتي ..
تحياتي

.. الأخوان ماقصروا .. كفوا ووفوا ..
.. ضروري تبلغ السفارة عن وضعك هل تعمل أو لا .. و تجيب معاك خطاب تعريف مترجم ..
.. و إذا ناقصك شي بيعطونك ورقة صفراء تجيهم بأي وقت تسلمهم النواقص ..

موفق ان شاء الله

اخوي smilewolf
جب معك كل شي تقدر تجيبه
موعد السفارة ألحين مو سهل

هلا بالحبايب
The Old Boy
اشكرك من كل قلبي على إجابتك ومساعدتك لي
ممرض مبتعث
هلا والله بالممرضين كلهم بالنسبة للضمان المالي كان عندي واحد قديم يعني قبل 5 شهور لكن المشكلة انه موجه لجامعه في ليوزيانا وانا اللحين جبت قبول من جامعة في اوهايو من واحد تعرفت عليه من المنتدى الله يسكنه جنات النعيم إنشاء الله يعني عندي I20 وانا عندي صورة من الضمان البنكي فهل يمديني امسح اسم الجامعة اللي في ليوزيانا واصورة مرة ثانية يعني مايصير موجه لأحد> فلم هندي
الله يعطيك العافية
swcc2004
زين اللي كان معك جواز بعد بس بيني وبينك شوقتي لمغامرتك مع السفارة بسرعة نزل الموضوع قبل مايجي موعدي انا اللحين بأحلى حالاتي بعد كلامك لي
جوليانو
مرورك على موضوعي شرف لي بحد ذاته
كاكا_السعودية
شكراً يااحلى كاكا
إنشاء الله يروح كاكا للريال مع اني اشجع البرشا لكن عشان يحلى الديربي

لا تخاف ان شاء الله ربك يسهلها ان شاء الله

اخوي بنسبه لضمان المالي انا يوم مقابلتي كان معي ضمان مالي شخصي وكان فيه اكثر من خمسين الف ريال وهذا المطلوب.
اهم شي خلك صادق معهم واكتب بنموذج السفاره انك رايح على حساب وزارة التعليم العالي عادي يمشونه انا سويت كذا والحمد لله مشوه لي .
اهم شي خلك صادق ولاتكذب بشي وخلك واثق من نفسك.