السلام عليكم اخواني اصحاب الخبره محتاج ارشاداتكم ونصايحكم فبليز لاتبخلون علي فيها
انا من سوؤ حظي كنت ناوي السفر العام الماضي انا وخويي الا نيوزلند وجمعت معلومات من هاالمنتدى الغالي والشيق وافادني كثير وتحمسنا وقطعت التذاكر وكل شي مابقى لنا الا اننا نشتري بعض الملابس حق السفره وفجاء وقبل السفره بشهر صار لخويي حادث شنيع كفاكم الله شر الحوادث وتنوم خويي بالمستفى والعنايه المركزه وشي طبيعي اني اكنسل السفره وكنسلتها حتى الفيزا حق الترانزيت في استراليا كانت جاهزه بس الحمدلله على كل حال الله مااراد اننا نروح والحمدلله
بس الحين بعد ماتشافى خويي وان شالله بعد 5 ايام راح يشيل الشرايح الي حطوهه له بوجهه بعد الحادث وان شالله الوضع يصير اوكي
فقررت انا وياه اننا نعوض سفرتنا لنيوزلندا بأسبانيا وان شالله يكون اختيارنا موفق ؟
احنا اجازتنا راح تبدا من 8/10/2008 الى 30/10/2008ونقدر نمددها يعني ودنا نجلس باسبانيا تقريبا من 20 ال 25 يوم
وفي فكره خويي طرحها اننا نمر على ايطاليا يعني نخليها ايطاليا واسبانيا
فارجو من اي واحد عنده خبره كيف نخطط حق السفر ونرتبها بالأولويه والافضل والاحلى
انا من خلال هالمنتدى وصلت لفكرة اني ازور
5 ايام برشلونه
5 ايام مدريد
2 ايام الاندلس القديمه (غرناطه )
5 ايام ميلان
5 ايام روما
فبليز ابي رايكم بالمخطط وابي اقتراحتكم من ناحية السكن بكل مدينه بس السكن مايكون 5 نجوم يعني لو بدون نجمات يكون احسن الرخص زين
لا المهم يكون امن ونظيف مو مهمه فخامته عندنا لاننا شباب والميزانيه لها دور بالموضوع
وياليت اعرف هل 20 الف للشخص مناسبه ولا لا حق هالمخطط انا بانتظار ردودكم ولكم الف شكر مقدما