انا ناويه اروحلها بعد شهر واسكن في نيس لان بينها وبين نيس 30دقيقه
اتوقع تكفي لاني ابقعد فيها3ايام
بالنسبه للفندق اتمنا احد يفيدنا......

NOUNY
ردد ردد ياليل ما اطولك

كان تعتبر من المدن الجميلة في جنوب فرنسا
الفنادق الي ذكرتها تعتبر من أجمل الفنادق في الجنوب بشكل عام
لكن المدينة جوها مايطاق هذه الفتره, أشبه مايكون بأجواء الخليج الحاره جداً, فمن وجهة نظري الشخصية أن ثلاثة أو أربعة أيام كثيره عليها, أضف إلى ذلك أنها تعتبر من المدن الصغيرة يعني ياشاطئ يابلاش هذا بالنسبه لنا كخليحيين.
لكن إذا الواحد بيلف على الريفيرا ويطلع على باقي المدن المجاوره, فتكون جداً رحلة حلوه ومايكفيها لا ثلاثة ولا أربعة أيام, خصوصاً أن مدن الجنوب متقاربه وفيها مناظر جداً جميله, أيضاً يوجد عدة مصانع للعطور ومطاعم خاصة البحرية

من اسبوع كنت في كان .. بلد حلوه راقيه بس موجه الحر هي الخربتها شوي ,, اتوقع باوقست يتغير شوي
البلد روعه وحلووه وتكفيها 3 ايام لان مافيها شي غير البحر والمقاهي الي على البحر
وسكن انصحك فندق الكارلتون الانتر كوتنتال مره روعه وراقي جداا واغلب الي يسكنون فيه مشاهير
من بعده المارتنيز والماجستك قريبن من بعض بنفس الشارع بنسبه للاسعار الكارلتون اخذت الليله ب 1500
مانصحك تسكن بنيس لانها يعيد ويبلها مواصلات ريح عمرك وسكن بوسط الخرشه
واخيرا اذا عائله كان ماتصلح من وجه نظري
واي سوال انا حاضره

الراس الكبير
جزاك الله كل خير يا الراس الكبير ومشكور ولاهنت علي النصيحه

fendi
مشكوره اختي وماتقصرين عندي كذا سؤال كم تبعد عن كان نيس وماهي اقرب الاماكن الحلوه الي جنب كان
وتستاهل الواحد يروحلها ؟؟؟؟
وبخصوص الفنادق ياليت إذا فيه رابط للفندقين الي ذكرتي اتحطينه عشان اشوف الغرف؟
شكلي كثرت عليج الأسئله بس اخر سؤال ابي احسن المطاعم والاسواق في كان ؟
ومشكوره مقدما اختي

عادي اخوي خذ راحتك
بنسبه كم بين نيس وكان حول نص ساعه .. انا كان وصولي على مطار نيس ..واول ماتطلع من المطار تلاقى باصات كل باص مكتوب عليه المكان الي رايحله ..في مارسيل ونيس وكان هاذا ال اذكرهم ..قص تذكره اتوقع كانت الشخض ب،13 يورو ..نزلنا بوسط البلد في كان واخذنا تاكسي على الكارلتون وكان صغيره وحلو فيها جه البحر وناسه وهناك الخرشه ام الجه الثانيه تمتد على الجبل حلوه بس مو زي البحر...وكان تستاهل العنوه بس مو اكثر من ثلاث ايام ..انا مانصح بنيس كئيبه ولي فيها كل يوم يرحون لكان يعني ريح عمرك وسكن في كان .. بنسبه لفندق هاذا هو الرابط .
http://www.ichotelsgroup.com/h/d/ic/1/en/hd/ceqha
وجنبه المارتنيز وماجستيك ونوقا كلهم على صفه وحده وزي مانت شايف على البحر
المقاهي .. احلى مقهى الى قبل الماكنالدز وفيه مطعم اكله مره حلو ايطالي اسمه روما كافي
وكان وقتنا صادف مهرجان كان بس مدري هو مهرجان ايش بضبط لان فيه فرقه اوكستر وكان الدخول ب 100 يورو .. ميزه كان ان التكاسي ماتستخدمه كله على رجولك الا اذا تبي تروح فوق بالجبل او المطار
ونشالله رحله موفقه

مشكوره اختي وماقصرتي بس اتصدقين مالقيت فندق فاضي بنصف شهر 8 وشفت كارلتون مافيه
والفنادق الي جنبه علي البحر بعد مافيها حجز مادري اشسالفتهم وخليت المكتب يحاولي بالحجز يمكن احصل
وعلي فكره انا عندي سياره وماعندي مشكله لو السكن مو علي البحر مباشره بس يكون نظيف وفخم
فيه فنادق اترشحونها لي إذا امكن