عليج بسوق العربيد في الفروانيه خلف جمعية الفروانية
والاسواق الي عنده

مراحب اختي...
في بداية الأمر أحب اذكر...
بضرورة الإلتزام بمكان كتابة المواضيع.
حسب خبرتي البسيطة سأجاوب...
و إن شاء الله الأخوات راح يفيدونك أكثر.
في منطقة الفروانية عدد من المجمعات التجارية..
المتخصصة بالجلابيات و ملابس المحجبات...
مثل مجمع العربيد, مول الحمرة, و سوق الفروانية بشكل عام.
في منطقة حولي كذلك مجمعي النقرة الشمالي و الجنوبي...
و يقعان في شارع بيروت "ممكن ملاحظتهم بينهم جسر فوق الشارع".
و كذلك مجمع المهلب في نهاية نفس الشارع, مجمع ماركات لكن فيه
محلات متخصص بملابس المحجبات.
في مدينة الكويت يوجد مجمع
الأوقاف و هو متخصص بالمقام الأول بالدراعات.
تقبلي تحياتي.

يا هلا فيج بديرتج عموما بتلاقين مطلوبج بالفروانية والنقرة

منطقه الفراونيه مجمعات العربيد واللى حواليها كلها محلات خياطه نسائيه وفيه اللى تبينه
عندج المباركيه هم فيه محلات تبيع ملابس صناعيه كويتيه
ورحله موفقه ان شاءالله

حياك الله في الكويت وتجدين إن شاء الله مايسرك.

تسلمون والله ما قصرتوا ...

مجمع المهلب فيه شغلات حلوه مره
دايم الاقي عنده اياء غريبه

هلا فيج اختي
اذا تبين بدل رخيصه ... شوفي العربيد بلازا و الحمراء مول بالفروانية
و اسواق الجهراء: الامارات و الوافي بالجهراء
اما للكشخه: المهلب بحولي