اختي العزيزة حياكم الله بالكويت بلدكم الثاني وان شاء الله سكن في سارة بلازا راح يكون اكثر من ممتاز والسبب ان الفندق جديد وموقعه ممتاز وهادئ يعني بدون ازعاج والخدمة فيه جيدة وكذلك اسعار جدا معقولة
اما بخصوص الأسواق انا انصحك للذهاب الي سوق السالمية وهو معروف باسعارة المنخفظة وبه سيتي سنتر سوبر ماركت كبير جدا ومحلات رخيصة راح يعجبكم كثير
اما بخصوص الجلابيات فانا انصحك التوجه الي منطقة الفوانية والي مجمع العربيد والمناور والحمرا مول - واذا تبين جلاليب تكون مستوى ونوعيات ممتازة اذهبي الي مجمع الأوقاف في العاصمة
ويجب تخصيص يوم للذهاب الي المجمعات الكبيرة:
الأفنيوز فهو الأكبر والأحدث منطقة الري يبعد ربع ساعه عن السالمية
مارينا موول بالسالمية
سوق شرق على شاطئ الخليج يبعد ربع ساعه عن السالمية
ومن المجعات الجميله بالسالمية فهي قريبة وكثيرة
الفنار
البستان
مجمع زهرة
ليلي جاليري
جاليري2000
سنترال بلازا
واسواق كثيرة
واذا عندكم وقت في بحولي مجمعات رائعه وممتازة
المهلب
البحر سنتر
البلازا
العثمان
ومن الأسواق القديمة وتعتبر محلات عادية
مجمع النقرة الشالمي والجنوبي
وفي مجمع الكوت
مجمع المنشر
مجمع اجيال
ومجموعه كبيرة من المجمعات في الفحيحيل
وفي مجمع كويت ماجيك في ابوحليفة
واذا عندكم وقت لاتنسون سوق المباركية في فترة المساء
المارينا مول

مجمع البستان

مجمع الكوت

سوق شرق

سنترال بلازا

المباركية اسواق شعبية ومطاعم شعبية

وعليك بواجهة المارينا كرسنت بالسالمية والمركز العلمي متصلين ببعض
الواجهة البحرية

واي استفسار انا بالخدمة

عندج محل بابو بالمباركيه للشيلات والملافع

مشكورين وماقصرتوا
انا رحت سوق المباركيه لكن ما حصلت جلابيات بالرخص الي كنت اتوقعه فهل تعتقدون مجمع العربيد ارخص من المباركيه؟
واشرايكم بالمشاغل هل ممكن احصل عندهم ارخص من العربيد والمباركيه لان انا فكرت فيها ان المشاغل يبيعونهم على هالاسواق والاسواق لازم تاخذ فايده على بضاعتها فقلت المشاغل قد تكون ارخص ؟واذا ايي ممكن اسماؤهم وارقام تليفوناتهم؟
رحم الله والديكم
ونفس الشي بالنسبه للشيلات؟

juju
ياهلا باهل البحرين الغاليين
نعم مجمع العربيد ارخص من سوق المباركيه واسعارهم تتراوح بين 10____35دينار واكثر العماله من الاسيويين وعندهم ابتكارات عجبيه
بالاضافه الى ان اكثر الحريم ياخذون التصاميم من بعض المشاغل ويسوونها بالعربيد ارخص لهم
بالنسبه للمشاغل الخاصه (((بالبيوت))) وهذا التوجه العام لنساء الكويت في الفتره الحاليه
ولكن اسعارهم اغلى شوي تتراوح بين 35______200 دينار وفيها الزين والشين واغلبهم يحطون اعلانات عن مشاغلهم في
المناطق مثل القرين_ وصباح السالم_ جنوب السره _والرابيه_ عبدالله المبارك _العارضيه_صباح الناصر

مرحبا
وين بالضبط يصير العربيد في أي منطقة

الزهرة النرجسية
يامراحب
فيه اكثر من مجمع اسمه العربيد
ولكن اللي فيه الجلابيات والدراريع
هو
مجمع العربيد بمنطقه الفروانيه خلف جمعيه الفروانيه بظهر الجمعيه بجانب سوق الذهب بالفروانيه
مجمع صغير واجهته محلات ساعات وتصليح ذهب ومن الداخل دورين كلها مشاغل وخياطين
وفيه ايضا مجمع اخر بجانبه وهذا المكان يشتهر كله بالمشاغل من دراريع وعبي وشيلات

مشكور يامرسيدس على الرد وان شاء الله عن قريب بنجيكم وان شاء الله مانضيع

الزهرة النرجسية
انورت بقدومك الدار يالغالي ***واسفرت من عقب جات ابغايبها
حياكم الله وابرك الساعات وان شاء الله تستمتعون بقضاء اجمل الاوقات في بلدكم الثاني

روحي مجمع العربيد بالسرداب كله مشاغل واتلاقين مشغل الهام الفضاله بعد اسعارهم زينه وشغلهم حلو