mona-alhmad
للاسف ماعطيتك رد شافي الا في اخر سؤال
ولا هو برد هو توجيه للحصول على الاجابه

اذا انتم مسافرين مع بعض ..حجوزات الفنادق باسمك ولا باسمه ..المهم انه فيه حجز ..
هل عندك رخصة قيادة ؟؟ اذا لأ ..ما اعتقد راح تستأجرين السيارة .
لازم الشروط تنطبق ..رخصة محلية + رخصة دولية + بطاقة فيزا (محفورة الارقام والاحرف ) + اثبات هوية واللي هو جواز السفر .
ممكن زوجك يطلع بطاقة مسبقة الدفع ..من البلاد ولا الاهلي ولا من اي بنك ..بشرط ..انها تكون محفورة الارقام والاحرف ..وتحطون فيها مبلغ يغطي قيمة السيارة ومبلغ تأميني اضافي .
بعد ما تحولت اجراءات الشنجن الى المكتب الموحد للتأشيرات ..الواحد صار يتلخبط ..لكن خلوكم جاهزين لكل شي .
مثلا كشف الحساب ثلاثة شهور بتواريخ ميلادية وبالانجليزي او صورة من البطاقة الائتمانية ..تكون متوفرة ..اساسية
خطاب تعريف من العمل بالراتب مترجم انجليزي ..خلوه معاكم احتياط .
تأمين سفر اساسي
حجوزات طيران اساسية .
حجوزات فنادق اساسية .
صورتين شخصية اساسية .
تعبئة الابلكيشن .
مو شرط الزوج يكون هو المقدم الرئيسي ..ممكن الزوجة .
وبالتوفيق

سؤال
بعد اذن صاحبة الموضوع
هل الان ماتقدر تخلص امور فيزا الشنجن الا من المكاتب المرخص لها
لاني قريت عن سنغافورا انها ماتستقبل الا من المكاتب المرخص لها
ماتقدر تروح انت بنفسك وتطلعها
هل نفس الكلام على الشنجن؟

رائد بومريم
.
بعد اذن صاحب الموضوع
حياك الله اخوي ابو مريم
مكتب التأشيرات الموحد لدول معينة في الشنجن ..عشان السفارات تفتك من وجع الراس .
لكن في دول ما تغطيها ..مثل البرتغال - هولندا ...الخ ..وهذه تضطر انك تروح بنفسك للسفارة او القنصلية .
وبعض السفارات مالها قنصليات في جدة ..ومع النظام الجديد ..التأشيرة من اول دولة تدخلها ..تضطر تطلع للرياض للسفارة .
فيبقى ..المكتب الموحد المرخص لبعض دول الشنجن ..سويسرا فرنسا ايطاليا اسبانيا المانيا النمسا ...والله اعلم.

Medo 77
بعد تجربتي في مطار فرانكفورت في حجز السيارة
اولا كانت عندي بطايقا فيزا مسبقة الدفع قدمت لهم الاوراق مع الحجز اخذو الاوراق وبعد وصلنا لدفع طبعا ماقبلو البطاقات الفير محفور رفضتها ( الانما - مستر كارد مسبقة الدفع من البنك الأهلي )
باقي الحين عندي الراجحي قالت ما نقبل قلت لموظفة جربيها جربته اكثر من مره قلو الرصيد ناقص او ميسمح علي العلم فيها 4000 ريال و المطلوب قيمة استأجار السيارة لكل ايامي 2000 ريال
انرفضت
كانت عند زوجتي بطاقة فيزا العادية المعروفة سألت الموظفة قلت تقبلون فيزا حقت المدام قالت اي نقبلها بكل سرور قلت لها تقبلون منها ترى ما عندها رخصة ولا هي الي بتسوق قالت عادي
فجربت البطاقة واخذنا السيارة
فاعدي تحجز انت ولو تعثر السحب من البطاقة تستخدم بطاقة زوجتيك
ولم وصلت البلد علي طول قدمت فيزا العادية وخليتها مخصوصة لحجز السيارة عشان ما اتوهق لأن مسبقة الدفع خاصة الراجحي مره تمسشي و مره لا
فهذي اظمن
بالتوفيق

شكرا تركي لذكر تجربتك زوجتك
حقيقه كنت بقولهم نفس الشيء لأني سمعت من واحد هالشيء ومشت اموره

لاشكر علي واجب أخي فيصل هذا حق علينا ورد الجميل
كما استفدنا من تجارب إخوننا وخططنا رحلتنا نربد ان نخدمهم كما خدمون ويستفيدو إخوننا الجدد الذين لم يجربو
الحمدلله طلعت لي فيزا عادية لأجل هذا الموقف ( حجز السيارة ) والباقي (فيزا الراجحي - مستر كار الأهلي ) مسبقة الدفع
لحجز لحجز تذاكر الطيران - حجز الفنادق - مؤنتي في السفر
نسأل الله ان يحفظ إخوننا في سفرهم ويرجعهم سالمين
تحياتي لك أخي فيصل