السلام عليكم
أسف أم سعيد على التأخير كان عندي ويك أند أستغليته بالتسوق بالتنزيلات باديه بلندن والله لا يطوفكم
أنا سافرت أسكوتلاند وكنت بسيارتي وعلى قولتهم شلاعي سريع سريع المرور على المدن
أفضل مدينه بأسكوتلاند هي قلاسقو واهي مدينه حلوه من ناحيه العمران وتنظيم الشوارع والتسوق
يبيلها بو 4 ايام الى 5 ايام
الفنادق والله ما سكنت فيها بس سكنت عند صديق لي وبعدها انا وصاحبي طلعنا للقريه آفي مور للتزلج
وكان الكلام هذا بشهر يناير وفبراير 2004
وأنا أنصح من يبحث عن الهدوء يروح آفي مور وإذا تبون شرح عن القريه هذا رابط تقرير انا كاتبه عن قريه آفي مور للتزلج وكاتب بعد النشاطات بالصيف وهي تشبه بالهدوؤ لقريه زل أم سي وبالطبيعه
أظغط هنا https://artravelers.com
وأنا انصح الجميع بزياره القريه وبزياره التقرير اللي رابطه فوق يستفيدون منه
وبعد التزلج والوناسه طلعت على أدنبره بس رحت مركز التسوق مالهم وطلعت لأني كنت مستعجل بروح لمدينتي
على العموم أي سؤال من ام سعيد ولاأعضاء الباقين حاضر لهم

ماشاء الله .. يعطيك العافيه اخويه على الشرح..
ماشاء الله انته في لندن ساكن؟ شو الجو عندكم .. قالوا حر موت..
انا ناويه ازور لندن في اغسطس هالسنه ..ومنه الى اسكتلندا .. ادعيلي بس
بس ما اعرف الجو عندهم ؟؟؟ ثلج شرات Avimor ...
ولا حر شرات بوظبي خ

أي والله يا أم سعيد أنا مبعوث دوره في بريطانيا صارلي سنتين وباقيلي سنه
الجو ها الأيام فضيع في بريطانيا بس لاتنسين تاخذين ملابس شتويه أسكوتلاند شوي بارده وبعض الأيام بارده في بريطانيا
هم يقولون حر بس عندي الجو معتدل احسن من جو الخليج أو الأمارات
أفي مور بس الثلج فيها بالشتا بس بالصيف حلوه فيها نشاطات انا ذاكرها بالموضوع وتطلع بالصيف احلى
بس في كلمه ماني فهمها
ثلج شرات =؟؟؟؟
يا ام سعيد أنشاله تقضين وقت طيب في بريطانيا

شرات = يعني (مثل) باللهجه الاماراتيه
اقدر اروح لها بالقطار من لندن.. لسكتلاندا مثلا ادنبرا؟
وكم سعر التذكره ؟
واذا ما عليك امر؟ هم يتعاملون بالجنيه؟ وهل لهم فيزا؟..

اها أم سعيد قولي جذيه من الأول
خ
اي تقدرين تروحيلها بالقطار عادي بس يلخذ عليج اكثر من 6 ساعات أطليعيلها من لندن بالطياره أفضل أو شوفي خطوط تجي أدنبره دايركت
أما آفي مور تبعد عن أدنبره 3 ساعات سياره وتقدرين تطلعين لها من لندن دايركت على مطار أسمه أنفرنيس منطقه قريبه من آفي مور ب2 ميل وبعدها تاخذين يا تاكسي أو قطار أو باص أو تأجرين سياره من المطار
والمسافه بين أدنبره لقلاسقو ساعه ونص أو ساعتين بالسياره أنا أنصحك ب 3 مناطق على حسب خبرتي أدنبره وهذا طبعا سمعت عنها
وقلاسقو وأهي من أفضل عشر مدن بالعالم على حسب تصنيف أحدى محطات السياحه ........ز وبيني وبنج أنا لما طبيت قلاسقو لها طعم خاص وأخذي ها الكلام من واحد فار نص العالم من أمريكا والمكسيك وأوربا كلها وشرق أسيا
شي شي مو طبيعي يا أم سعيد قلاسقو العمران الحديث وداده الشعب الأسكوتلندي ممزوج بالتاريخ الأسكوتلندي المخلوط بالدول بالدول الأسكندنافيه راح تلقينها بمدينه وحده
وآفي مور مشروحه من قبل بتقرير طويل
ماتحتاج فيزا أسكوتلندا فيزا بريطانيا كافيه والعمله الجنيه الأسكوتلندي = الجنيه البريطاني بنفس قيمته بس الشكل يختلف ويقبلون اهنااك التعامل بالجنيه البريطاني بس بعض المرات يعصلقون شوي بالمحلات الصغيره
وحاضر يا أم سعيد اي سؤال ثاني تامرين أمر

والله ما قصرت يالغالي
معلوماتك مفيده واحد ربعي استفاد من تقريرك لانه راح يأخذ كورس في اسكتلندا
تسلم والله

AlSahab
حياك واذا تبي اي سؤال حاضر انا بخدمتكم

مشكور اخويه والله تعبتك معاي..
انا يالسه ادرس الموضووع عدل .. وان شاء الله نستمتع بالرحله..
لقيت هالموقع ان شاء الله يفيد الغير بعد
http://www.visitscotland.com/
وبرجع لك بعدين مع بعض الاسئله بعد البحث و التنقيب..
وتسلم مره ثانيه :x1: