السلام عليكم ورحمة الله وبركاته
تحيه طيبه من الاعماق محمله بكل الود والاحترام لجميع القائمين على هذا الصرح الرائع في جميع البوابات اللي بصراحه له الفضل الكبير جد بعد الله سبحانه وتعالى في انجاز مخططاتنا للسفر والاستمتاع باي سفره
الواحد بصراحه مايعجز ابدا في اي مكان يبغى يروحه لانه بمجرد دخوله هنا يجد كل الاخوان هنا يتسابقون لمساعدته
فجزا الله الخير والثواب لكل انسان يساعد اخ له ثاني ويقدم له النصيحه
اخواني .. بعد ذي المقدمه خلونا نخش في المشاكل :112:
ياحبايب .. انا ناوي بأذن الله الكريم اني اروح مع المعزبه للنمسا وسويسرا ..
طبعا بعد الاطلاع على مواضيعكم ودراستها بكل تمعن ودقه .. الحمدلله وصلت لنتائج قيمه جدا
بالنسبه لمخطط السفره ( راح يكون في شهر May )
لمدة 13 يوم ( 3 فيينا ... 3 سالزبورغ ... 3 انترلاكن ... 4 جنييف )
اللي متعبني ومسبب لي الخوف هو .. مابعد سالزبورغ
بمعنى ... بعد ما انتهي من سالزبورغ .. كيف اروح الى انترلاكن .. تم لجنييف
عندي نيه كبيره اني استأجر سياره ( ذنبنا في رقبتك ياابوعزيز لو ضعنا انا والحرمه )
بس ارجع وافكر اقول كيف راح نقدر نمشي هالمسافه كله ..لانه راح نضطر اننا نروح لالمانيا ثم نرجع لسيويسرا الين مانوصل لانترلاكن .. مسافة 500 كم تقريبا
وبعدين كم راح تكلف؟؟ .. كم راح ندفع عند خروجنا من النمسا ودخولنا لالمانيا ثم دخولنا لسيوسرا .. لانه اكيد في رسوم دخول او ضريبه على الاقل .. طبعا غير رسوم الطرق
فكرت في القطار .. من سالزبورغ الى انترلاكن .. بس ماادري هلى يعتبر ارخص
( يعني اخلي استأجار السياره من انترلاكن بدل سالزبورغ )
بس ارجع واقول .. مغامرة السياره اروع ... بس فيني تردد ( الله يستر )
ابغى نصيحتكم لي .. هلى اخذ قطار .. او اتوكل على الله واستأجر سياره ؟؟
وبالنسبه للسياره ..
كيف الطرق حقتهم .. كيف لو ابغى اوقف في مطعم او منتزه ... فين اوقف ؟؟ وهل فيها رسوم ؟؟
نجي لاماكن التنزه .. ابغى تخطيط بالمليمتر بلايام والساعات والدقايق .. وين اروح .. وايش الافضل ؟
انترلاكن 3 ايام ( طبعا لازم نحط في بالنا انه اذا استاجرة سياره متى راح اوصل لانترلاكن
( طبعا ذا باعتبار اننا وصلنا اصلا .. .. يعني ماضعنا وقضيناها نوم بالسياره )
انا عملت مقترحات وابي مشورتكم ..
اول يوم .. blausee ( يوافق يوم اربعاء )
ثاني يوم .. زيارة Jungfraujoch - Top of Europe ( يوافق يوم خميس )
ثالث يوم .. شلالات تروميل باخ ( يوافق يوم جمعه )
رابع يوم .. يوم المغادره لجنييف .. المرور للميستري بارك ( هل تستاهل .. )
هل وفقت في الاختيار .. واذا في بديل .. ارجو نصحي ؟؟
اذا في اي معلومات اضافيه عن كل مكان .. الموقع.. الاسعار .. الوقت المستهلك ..؟؟
وبرضو ماننسى .. السياره .. هل اذهب لهذي الاماكن بالسياره . ؟؟ وهل يوجد مواقف للسيارات ؟؟
نجي لجنييف ..
انا جالس احاول اني اسكن بديفون ( نصيحة الاخ ابوعزيز ) وطبعا المنطقه صعب ان اواحد يوصفها باي كلمه
المهم .. ( جنييف 4 ايام )
اول يوم .. ( بعد الوصول من انترلاكن ) .. يوافق يوم السبت
نذهب لجنيف نتمشى على البحيرة ونحجز تذكرتين على باخرة الجولة البحرية ( من وين احجز )
اذا بالامكان : من منطقة ديفون : لوزان (54 كم) و منترو(9 كم) ثم ايفيان (18كم) (دورة كاملة بالسيارة حول البحيرة) يوم كامل مع التوقف في مونترو وايفيان ( هل يمديني اوفي هذي الاماكن كلها )
اليوم الثاني .. ( يوافق يوم الاحد )
جولة بحرية في بحيرة ليمان وتستغرق الرحلة 6 ساعات تشمل وجبة رئيسية
اليوم الثالث .. ( يوافق يوم الاثنين )
مدينة أنيسي الجميلة تبعد من 50 - 60 كيلو من جنيف وزيارة سوقها الخطير الذي يقع على مشارفها (Auchan)
اليوم الرابع .. ( يوافق يوم الثلاثاء )
الذهاب لمدينة شمونيه 40 كم من جنييف . و زيارة قمة جبل مونت بلان المغطى بالثلج طوال العام ويتم الوصول إلى قمة الجبل عن طريق التلفريك . ومن ثم العشاء في مطعم العربه
يوم الاربعا المغادره والرجوع للوطن الحبيب ..
طبعا انا لساعي ما انتهيت ... الاسئله كثييرا .. والدماغ مزحوم على الاخر ..
انصح كل واحد يصلي استخاره ويفكر قبل مايتورط معاي ويجاوب على اسئلتي لاني ماراح اعتقه اسئله
يعطيكم العافيه جميعا ... وسلامتكم جميعا
اخوكم .. الفيصل