السلام عليكم ورحمة الله جميعاً
ابو عزيز والاخوان من يملك المعلومة ما يبخل علينا وهذا عشمنا وهذا اللي متعودينه
ابو عزيز انا افكر برحلة ما بين النمسا وسويسرا والى الان محتار (حسب الخطوط السعودية )بالمسار
ومبدئياً المسار الاول :
الرياض جنيف وانتهاء بفيينا ومنها بطيران اقتصادي الى فرانكفورت والعودة للرياض
المسار الثاني :
الرياض فرانكفورت ومنها بالطيران الاقنصادي الى فيينا
ومن فيينا -زيلامسي..... انتهاء بجنيف ومنها للرياض
ابي رايك بالكلام هذا ؟ علما انه لي خصم بالخطوط وثانيا اطلب الخطوط مبلغ كويس (تذاكر مفتوحه)
السؤال الثاني:
بالنسبة للنمسا انا رحت لها العام الماضي واعرف الاماكن فيها
لكن بالنسبة لسويسرا
المسار كيف راح يكون من الشرق للغرب او العكس وابغى المسافات بين كل منها علماً بأني احب استخدم القطار بتنقلاتي وابغى ازور المناطق التاليه :
جنيف
انترلاكن
( لوزان او لوزيرن)الافضل منها واللي على الطريق
وممكن زيورخ
لوقانو اعتقد انها مو على الطريق
وابغى اعرف اخر مدينة بسويسرا اللي منها اروح لزيلامسي
وبعد سويسرا بروح لزيلامسي في النمسا واخيرا فيينا
السؤال الثالث:
تنقلاتي راح تكون بسويسرا بالقطار يعني لازم أقص السويس باس(او اليوريل باس)ما ادري المهم كم سعرها لشخصين مدة اسبوعين؟؟
السؤال الثالث:
كيف اوصل للمناطق السياحية بسويسرا ؟ بالباص ؟ او تاكسي ؟او قطار ؟ وكم سعره؟وهل يشمله السويس باس ؟
اذا باقي شي راح اسالك فتحملنا