ارتياد الآفاق
18-05-2022 - 05:02 pm
سؤالي : هل الشنجن اللي تستخرج من سفارة سويسرا تخولني لدخول دول مجموعة الشنجن مثل ألمانيا وفرنسا؟
سؤال ثاني: هل أنا مخير إذا بغيت أستخرج تأشيرة من سفارة سويسرا بين الشنجن والفيزا السويسرية العادية؟
معليش طمعت فيكم..
سؤال ثالث:
الشنجن اللي بيعطونياها سياحية لمدة ثلاث شهور.. وقبل ست شهور بس مطلع مثلها من السفارة الإيطالية.. فهل بالإمكان إني أطلع شنجن طويلة المدة عشان ما أتبهذل كل مرة وأنتظر لي أسبوعين أو ثلاثة؟
الشنقن هي شنقن لكافة الدول الأوروبية بغض النظر من وين مطلعها
ممكن تتطلع فيزا فقط لسويسرا لكن معروفين ما يعطون الا على مدة الحجز اللي مقدمه
الشنقن في هذه الأيام (غير فترة الصيف) اقل شي 6 اشهر
انا عطوني سنتين واللي معاي في العمل عطوه سنة
اهم شي تضع المبررات السليمة وتطلب المدة في الأبليكيشن
بالتوفيق