نشر في استراليا

اسعار تذاكر استراليا على جميع الخطوط نار

baln

03-11-2022 - 08:22 am

السلام عليكم ورحمة الله وبركاتة
سوال يا اخوان ابي اعرف مكتب حجز خطوط وسفريات جيد في الرياض
علما اني اتعامل مع مكتب فرسان للسياحة بس مشكلته اسعاره غاليه
يعني ابي اعرف مكتب سياحة ممتاز
بعدين فيه نقطة اسعار التذاكر نار انا حاجز قبل شهر ونص على خطوط الاتحاد لاستراليا قيمة التذكره 7000ريال سياحي
استغرب من الاخوان انهم يقولن تلقى التذاكر 5000 ريال
اتمنى منكم الافادة وشكرا

التعليقات (9)

alrayyan10

03-11-2022 - 11:37 am

أقبل سنتين سافرنا إلى أستراليا .. عن طريق الخطوط الماليزية ( تم الحجز عن طريق سفريات كانو ) التذاكر طلعت علينا ب4500 ريال تقريباً .. خط السير كان البحرين - ماليزيا - ميلبورن -ماليزيا -البحرين ..
دور في مكاتب السفريات وإن شاءالله تحصل سعر مناسب حول ال5000 ريال لأنو تدري المسافة بعيدة ..
في عندك الخطوط القطرية ترانزيت مع خطوط الكاثي باسفيك

مطران

03-11-2022 - 12:38 pm

أخواني السنه الماضيه كانت رحلتي دبي جولد كوست سدني بانكوك دبي عاللإماراتيه وسعر التذكره كان 5300 للشخص والسنه حجزت نفس الرحله ب7100 للشخص لا وطيران الإمارات ناوي يزيد أسعاره 11% من أول شهر 6 - وتري إذا رفع السعر كل خطوط الطيران ترفع مثله -

بـوينغ 777

03-11-2022 - 01:39 pm

هلا فيك اخوك .. يعتمد على الوقت
وانت الان في موسم سياحي ومقبلين على الصيف ... وممكن يكون حجزك في الايام القليلة القادمة او الشهرين
ولو حجزت من قبل كانت ارخص
على العموم تستاهل استراليا
تحياتي

ام شخبوط

03-11-2022 - 02:40 pm

انا حاجزه ع طيران البروناي من دبي... الدرجه السياحيه 4000 درهم اما البزنيس 10000

التوفي

03-11-2022 - 03:41 pm

السلام عليكم ورحمة الله وبركاته
بالنسبة للمكتب السياحي
شف المؤيد على الدائري الشرقي فيه أخ سوداني خدوم وطيب
بالنسبة للأسعار إذا تبي أقتصادي الكاثي باسييفك بس فيه ترانزيت 10 ساعات ولا يوفر فندق وأزيدك إذا تبي تدخل هونق كونق لازم تأشيرة من السفارة الصينية وقيمة التأشيرة الظاهر 120ريال ويله خلك على الأتحاد أحسن لك سعرها غالي لأنه قرب الصيف أنا حاجز لبرزبن 6200 ريال والترانزييت ساعتين
والله يكون بعونك

abo Same

03-11-2022 - 04:42 pm

انا سعرت الخطوط قبل شوي
القطريقة7000 وعليها نار
الاتحاد 5755 ريال الانتظار ساعة وثلثت في سنغافورا
السنغفوريه ارخص شي 4500 والله ماني متاكد بس بالاربع الاف بس قالي فوول طوول الصيف طبعذا تبي قبل الصيف فيه تحصل بس وقت الاجازه مجووزه كلها ممكن تصل مكان لانه يقول فيه مكان بس لازم تروح مادري وين بعدين ترجع الطائر مادري اخذ بي لفه
ان شاء الله افدتك

صافن

03-11-2022 - 05:43 pm

انا حجزت على الاماراتيه ب5300

مطران

03-11-2022 - 06:44 pm

صافن
أخوي صافن أنا بعد حاجز عالإماراتيه بس ب7100 لأني بروح سدني وبعدين برجع بانكوك ؟ ما أدري سعر تذكرتك هذا بس لبرزبن

صافن

03-11-2022 - 07:45 pm

رحلتي من الرياض _دبي _برزبن_
والعوده ملبورن _ترانزيت سنغافوره أظن مدتها ساعه_ دبي _ الرياض

استراليا المسافرون العرب

اسعار تذاكر استراليا على جميع الخطوط نار