muhanad0070
لو سمحتوا ودي استفسر عن متوسط سعر ايجار السيارات
وماهي طلباتهم ؟
وهل لها عدد كيلوا مترات معينه ؟
وكم سعر لتر البنزين عندهم
طبعا السياره ابيها صغيره واوتو ورخيصه طبعا
اسف على الاطاله ولكم شكري .......
بالنسبة لسعر ايجار السيارات حسب نوع السياره عائليه او شخصين ؟ راح اعطيك مثال على مثلاً جيب بي ام اكس 3 معقول ومتوسط الحجم ويكفي 4 اشخاص اتوقع يوميته 137 فرنك الكيلوات تكون محدده على حسب الشركة في شركات مفتوح الكيلو وفيه محدد بس يعطونك الي يكفيك ويزيد لااتحاتي.
الطلبات تكون الرخصه الدوليه + الرخصه المحليه . مرات يطلبون عمر فوق 27 سنه ومرات يطوفون يرغبون الي عمره كبير للعلم فقط
بالنسبه للبترول اكثر سياراتهم ديزل البنزين قليل تلقاه لأن البترول غالي عندهم تترس ال بي ام تقريباً 90 فرنك فل تانك تقريباً ديزل بس لاتحاتي سياراتهم الديزل سريعه تيربو مو نفس الديزل بالخليج دخنه
اكثر سياراتهم قير عادي اذا تبي اوتوماتك بيكون اغلى سعر بتكون ولاكن يستعملون القير العادي للجبال افضل من الأوتوماتك
على فكره سيارات اوربا ايجارهم غالي فرق بين اوربا والخليج بالسعر فرق شاسع بالتوفيق حبيبي
ملاحظه: كل ماطالت مدة ايجار السيارة قل سعر الأيجار اليومي لسياره

ياليت اخوي بوناصر تعطينا مواقع تاجير السيارات وهل استطيع اخلص أموري من موقعهم على النت لان أخاف بطاقتي الفيزا ما تقبل هناك واتورط

marcher.h
اقوى شركة والأفضل بالمعامله سيكست ولاكن الأغلى سعر الفارق بسيط عن الشركات الأخرى الحجز عن طريق الموقع يشترط الكردت كارد بالتوفيق
http://sa.sixt.com/php/res?language=en&gclid=CNPLnNC0p6oCFYUdHAodsH1sXA

حاول تستاجرها من المانيا او النمساء
لانها ارخص من سويسرا بكثير
وحاول تاخذ كليو مترات مفتوحه
ولاتنسى الاستكرات حقت الخطوط السريعه عشان لا تاخذ ضرايب عليها
ورحله سعيده

السلام عليكم
غريبة أنا اتوقعت من كلام المنتدى ان اسعار إيجار السيارة معقول
كذلك المواقف
؟؟؟؟؟؟؟؟؟ سوال مهم اسمع ان الافضل استأجر السيارة من الجزء الفرنسي كيف ومن اين في مطار جنيف لان وصولي هناك
وشكرا

لو سمحتوا ياهل الخبرة ارجو الرد
أنا سفرتي بعد 20 يوم واريد التاكد

اسمع اخوي بالنسبه الاسعار السيارت تحكمها عدة امور مثل ما ذكر الاخوان واحب اضيف ان التخطيط مهم لتقليل التكلفه فاستلامها من دولة وتسليمها بدوله ثانيه يفرض عليك ضريبه لا تقل عن 100 يورو وبعض الدول التسليم فيها غالي مثل ايطالياان استلام السياره من مدينة وتسليمها لمدينة مختلفه بنفس البلد لا يكلفك شيء واغلب الشركات تعطيك كيلو مفتوح وللعلم ف واسعار الشركات تختلف وهناك ضريبة تامين بعدة مستويات يعني زي ما تقول تأمين درجة اولى وثانيه وثالثه وشرحها صعب شوي ولكن الخص لك الموضوع بعض درجات التأمين يعتمد على مبلغ تدفعة لوحصل لك حادث لا سمح الله فاذا كانت درجة التأمين عالية لا تدفع سوى شيء بسيط وكل ما قلت درجة التأمين كل ما ارتفع المبلغ وكذلك يعتمد السعر على تاريخ حجزك للسياره فاذا حجزتها قبل بيوم او يومين راح يدبل عليك السعر والسياره ايضا تحتاج مصاريف مثل البنزين وسعره غالي 10 اضعاف سعر البنزين عندنا تقريبا وكذلك المواقف العامه بعضها غالي لذلك لازم تختار فندق يوفر لك موقف مجانن او بسعر رخيص ...الخ وبالنسبه لسيارات الديزل فهي نادره وخصوصا للسيارات الصغيره وعموما اتوقع الديزل ما يوفر كثير لانك ما راح تعبي الا مرتين او ثلاث حسب مشاوريك ياليت تعطينا عدد الاشخاص واعمارهم وتاريخ ومكان الاستلام والتسليم علشان نقدر نبحث لك وافضل شركه سهله الاجرائات وسعرها معقول ومنتشره بسويسرا هي اليورب كار ملاحظه اذا معك اطفال اقل من 8 سنوات لازم تضيف لهم كرسي اطفال وهو ثلاثة انواع كرسي خاص بطفل المهاد وكرسي خاص بطفل من 1 الى 4 اخر خاص بطفل من 4 الى 8 وهي عادتن تحدد حسب وزن الطفل تحياتي

اذا انت بتوصل جنيف وراح تغادر من جنيف يفضل انك تبحث في شركات السيارات جنيف القسم الفرنسي يعني كنك تبحث في فرنسا وراح يجيك خيار مدينة جنيف ويعتبرونها مدينة فرنسيه والمطار مشترك وراح تحصل مكاتب التاجير مع لوحات ارشادية واضحه وفيه مواضيع كثيره كتبت بالتفصيل عن المطار انت الان ابحث عن افضل سعر للشركات يورب كار... سكست... افيس... اوتويورب ...هيرتز
واهم شيء يكون بالسياره قارمن وهو يتعبر من الاضافات ومكلف شوي لذلك يفضل شراء قارمن من هنا وافضل شيء اذا معك اي فون فهو يغنيك ويقوم بالمهمه ويوفر عليك بس اشتر له حامل خاص بالنفقيشن لانه يجي معاه مقوي ويصبح مثل القارمن وشرط يكون فيه شاحن سياره اصلي تحياتي

مشكورين يا اخوان على ردودكم
والله لا يحرمنا منكم ولا من خبرتكم
من جد فتحتوا عيوننا على اوروبا واحنا ببيوتنا
شكرا من الاعماق شكرا