اخويا .... انت في الصيفية وفي العاده المغرب العربي جدا ترتفع الاسعار وتصل بعض المرات في اليوم 650درهم في اليوم .....
واما عن استأجار السيارة من كازا ...مافي شك ارخص من استأجارها من المطار بس لابد من الفيزا او ترهن جوازك عندهم اذا ارتاحوا مبدئيا ...
ممكن تحصل داخل كازا اسعار تصل الى 350-300درهم مغربي في اليوم ....الكيلوات مفتوحه ....
التنقل داخل المغرب ما بين المدن آمن جدا ...لا خوف بس لا تترك السيارة ابدا مفتوحه او تتركها شغاله وتروح للحانوت .... اذا نزلت للفندق وكان المسجل من النوع الي يخرج من مكانه فخذه معك للغرفة ...
انتبه لعلامة قف وخلك محترم لها حتى لو ما كان فيه سيارت مارة لابد ان تقف عندها .... لا تزيد السرعه
عن المحدد لانه الغرامة 400درهم تدفع في الحال ....وممكن تمشي حالك مع الشرطة ب50 -100درهم
قاعدة كان والدي حفظه الله يرددها على يقول وانت تقود السيارة اعتبر الناس كلهم مجانين وانت العاقل
اما عن سعر البزين فهو غالي جدا سعر اللتر الي بدون رصاص الي يسمونه (ليصانص)(11.50درهم)تقريبا اي 4.50 ريال للتر الواحد ....
وفقك الله ....

ابوالمهند تبارك الله عليك,,,
والله يا أنت حافظ التسعيره كأنك شغال بمحطه,,
مشاء الله تبارك الله
والله أني أعبي ولا أشوف كم لتر..
أخي المسافر كاسر (( ناقش بالسعر))
وأذا نزلت في كازا فيه الف شركة تأجير سيارات.. بكل شارع وبكل زنقة تلقى شركة..
روح للأول وقوله أنا أبغي وأذا قالك السعر قول له لا ما يخارجنا وناقش وكاسر
والله أن أصحابي يستأجرون 200 درهم فقط
لكن لازم تكاسر شوي..

موضوع حلو
بس طيب انا ابغى اروح طنجه
وابغى اخذ سياره من كازا لطنجه
وش راح ياخذون مني بكازا يعني كتأمين

اقول اذا انت مثلي اول مرة شوري عليك تروح بالقطار منها تشوف الناس وتستانس ومنها تفتك من المخالفات المرورية

مشكروين يا اخوان على الايضاح
بس اخوي وضاح البحار يقولون ان السيارة افضل
في التنقل بين المدن خصوصا لما تكون وجهتك طنجة
تعرف ممكن يعجبك مكان او منظر وودك توقف
اخوي النظرة الثاقبة
استخدام الفيزا امن ولا ارهن الجواز
وبعدين كيف اتنقل بدون جواز

استخدم الفيزا وراح يحجزون مبلغ عدد ايامك في استأجارها واما الجواز فأياك ثم أياك ان ترهنه عندهم .

المسافر نت
لا افضل رهن الجواز ....لانه وثيقة رسمية غير مسموح برهنه .... وفي ذلك مخاطرة .... واستخدام الفيزا
امن ...وكمان برضوا لابد من اخذ الحيطة في استخدامها ....
النظرة الثاقبة

هلا بك أخوي أنا أقولك وش يصير معي بخصوص السيارة . أول ما أوصل المغرب لي صديق مغربي والله شروى من عندي يكون قد جهز لي سيارة والعقد وبسعر خيالي يعني بيجو 307 ب200 درهم اليوم والكيلو مترات مفتوحة والسيارة جديدة ولا بطاقة فيزا ولا يحزنون وللعلم ما أحاسبهم إلا وأنا رايح وبعد يوصلوني للمطار فوق البيعة يعني ببلاش . بصراحة الإخوة المغاربة فيهم الخير لكن يبيلك واحد ثقة وخصوصا إذا سبق وزارك هو للسعودية أو أي دولة خليجية يعني بينك وبينة عيش وملح كذا ترتاح من هم السيارة . ودي أخدمك بالسيارة لكن ممنوع وضع أرقام التلفونات .....الله يوفقك

rdr400
جزاك الله خير اخوي
بس لو تدلني على خويك اكون ممنون لك
طيب كتابة الايميل بالمنتدى ممنوع ولا لا