aboretal
01-02-2022 - 10:27 am
السلام عليكم
استفسارين
1- بالنسبة لمحلات الشوكولاته والحلويات (ماهي افضل واجود الاماكن اللي ممكن اشتري منها)
ولو فيه رابط تقرير عن هذا الموضوع ممكن تزودونا فيه ان امكن
2-بالنسبة للمصاريف (انا راح اشلي معاي كل شي كاش البطاقة بس فيها 200 يورو احتياطيه لا قدر الله)
السؤال طبعا مستحيل اشيل كل فلوسي ومصاريفي معاي في كل خرجه (هل ممكن احطها في صندوق الامانات الخاص بغرفتي في الفندق واخذ بس حق اليوم ) يعني امان ولا لا
بخصوص الشوكولا في تقرير ل عنود الرفاع لا يفوتك ، ما خلت محل شوكلا ما دخلته في باريس وفصفصته تصور وتسأل عن السعر وعن الكحول وهل له فرع في الخليج أو لا ، شكلها مدمنة شوكولا ..
https://artravelers.com/p/re/327034
بخصوص القرنقش من خلال سفراتي ..
كنت أحط الكاش في صندوق الحفظ (التجوري) في غرفتي بعد ما أغير رقمه السري طبعاً ، أما لو استخدمت أمانات الفندق راح يأخذون عليك فلوس للخدمة والعملية ما فيها سلاسة كل ما بغيت جابوا لك صندوقك وتأخذ منه اللي تبي وترجعه وكل هذا في استلام وتسليم ،، شغلة ..
وبخصوص البطاقات أعتقد أن الحد اللي حاطه ضعيف للطواريء ، وأنصحك بلا شك أن يكون معك فيزا ، حتى لو فيزا شحن ..
وبالتوفيق - محبكم أبو سليمان