لا تقدر تشتري من خارج المطار او داخل المطار
ما عندك مشكله تحط الاشكولاته في شنط الشحن او في شنط داخل الطياره على كيفك ما افيه احد يفرض عليك شي انت واختيارك
لك كامل الحريه

شكرا اخوي . بس اللي قصدته . هل في احتمال تذوب او تخترب الشوكولاة داخل شنطة الشحن ؟

بمعنى هل في احد جربها من قبل ؟؟؟؟؟؟
وايهما احسن بالنسبة للشراء من المطار ام خارجه ولماذا ؟

طبعا من السوق الحره افضل
اولا ما تخرب . ثانيا بتكون بيدنكم .. ثالثا ما تاخذ وزن عليكم . ولا تتكسر .
والي بالمطار بكون كراتين وعروض حلوه مثال تشتري 2 يعطونك الثالث مجانا
تحياتي

شكرا كل الشكر .. وهل الاسعار بتكون رخيصه ؟؟
لان في اماكن الاسعار بره الحره ارخص .......

المطار اغلب الكاكاو يكون عادي مافيه شي مميز حتى لو تقلب الكرتونه تلقاه مكتوب بالعربي!!! يعني نفس الكاكاو اللي ينباع عندنا بالخليج
لكن بلندن نفسها بالسنتر يكون الكاكاو انتاج بريطاني محلي فالافضل تشتري من لندن وطبعا اكيد تحطه بجنطه السفر عادي كلش

اها ما تقصرون . اللي صاير اني طالب وان شاء الله قريب راد الديرة فقلت اسال لاني ما ادرس بلندن بس شركات التجزأ حوالي ورخيصة ... وقلت اخاف اوصل المطار يكون زحمة وما يمدي اشتري

اشتر عشان لا تتحسف
ساعات يكون المطار مافي اللي تبي
و اغلب الاحيان اللي بالمطار مو نفس اللي داخل لندن .. اللي داخل افضل
و اذا كانت طيارتك ليل او فجر السوق الحره مسكره
و ممكن يروح عليك الوقت بالتاكس فري او الجوازات و مايصير عندك وقت للتسوق

الافضل ان تشتري من هارودز بلندن وهو الافضل و بالمطار ماتحصل اللي تبي
وهم يحطونها بكيس بلاستيك تشيله معك لا تشحنه ابداً لانك ماتدري وين يحطونه
اخذنا كيسين بلاستيك كبيرة معنا للطيارة كانوا مقفلينها هارودز بطريقة ماتنفتح اثناء التفتيش
الغالبية خذ لهم COCOA DUSTED ALMONDS رخيصة ب 10 باوند و رائعة اعجبت الكل
بعلب ذهبي جاهزة يلفونها بشريط بني
و الخاصين جدا خذ لهم شوكلاتة لاميزون شوفها بالركن عند الباب بس ال 450 جرام يمكن 50 باوند
اما اذا عندك اخوات خذ لهم الشنط اللي مكتوب عليها هارودز
http://www.harrods.com/harrods-own/totes-and-bags?viewall=yes
تحياتي و سفرة سعيدة