TheTourist99
03-12-2022 - 07:52 pm
السلام عليكم ورحمة الله وبركاته
اولا حاب اشكركم على المجهود الجبار في هذا القسم وخاصة الاخ dicover bahrain
بالفعل انتو تقومون بعمل ممتاز وتستاهلون الشكر والثناء عليه
الاجابه عن استفسارات الاخوة الجاهلين في السياحة في البحرين ولكن انتو ماشاء الله عليكم ماتقصرون وشاكرين لكم هذا العمل الاستثنائي
الاسئلة:
1- انا مسافر للبحرين عن طريق السيارة..السيارة بإسمي لكن ماعليها تإمين هل يجب ان تكون السيارة مإمن عليها ولا عادي تدخل وهي ماعليها تإمين ؟
2-السفر للبحرين بالهوية الوطنية السعودية هل هو مسموح؟وإذا كان مسموح هل العمر يحتسب بالهجري أو بالميلادي؟
انا عمري بالهجري فوق 21 سنة لكن بالميلادي تحت ال 21 الى الان باقي كم شهر ف هل يسمح لي السفر لإني فوق 21 بالهجري او لا
وشاكر لكم مقدما
السيارة تقدر تأمنها بالفترة اللي حاب تقضيها في البحرين وذلك عند مدخل الجسر من جهة السعودية قبل ما تدفع رسوم 20 ريال دخول الجسر .. وتأمين اليوم الواحد يكون 10 ريالات .. ولكن لابد من أن تكون السيارة مسجلة يعني تسجيلها السنوي العادي ساري مفعوله .. واذا السيارة ما كانت بإسمك لابد من وجود تفويض بإسم وتوقيع صاحب السيارة مع نسخة من بطاقته المدنية ..
وتقدر تدخل البحرين بالبطاقة الهوية اذا كنت خليجي لا داعي لجواز السفر .. أما بالنسبة للعمر فالجانب البحريني ما عنده مشكلة حتى لو كنت 18 سنة بس بالنسبة للجانب السعودي أتمنى أحد الأخوة يفيدنا بخصوص إجراء العبور اذا كان في اعتبارات العمر أو تقر تفوت على طول .. وحياك الله في البحرين.