ابو سـلـيـمـان
21-07-2022 - 10:28 pm
كيف الحال ؟؟
يالربع نويت انشالله اني ازور المغرب في اقرب وقت ممكن .. و تراي عليمي مااعرف فيها شئ ابد ..
و حاب اني استفسر منكم عن الاشياء اللي تنصحوني فيها و الاشياء اللي المفروض احطها ببالي .. عموما انا مابعد حددت موعد للسفرة لكن حاب اعلمكم اني رايح و معي واحد من اخوياي يعني اثنين .. فاابي اعرف منكم عن الفنادق و اسعارها و العيشه هناك شلون ؟ .. يعني ابي فندق اربع نجوم و هل الفندق ازين او الشقه او الفلل او الشاليهات .. عموما الرحلة ماهيب طويلة تقريبا 10 ايام او اكثر شوي او اقل شوي .. فتكفون علموني عن الاشياء اللي تنصحوني فيها ..
و ابي اسئلكم بعد عن اسعار التذاكر في الصيفية او بعدها بااعتبار اني راح اطلع من جده في السعودية و وش افضل شركات الطيران .. و السؤال الاهم اذا اني بروح و اتونس و اوسع صدري هناك .. وش المدينة اللي تنصحون بها ( افضل الدار البيضاء عشان المطار وش رايكم ) و كم الميزانية اللي تشوفونها كافية ؟؟
و على فكرة الريال كم يعادل درهم مغربي ؟؟ ..
و مشكورين و لاقصرتوا !! منتظر ردكم
التذاكر عندك من 2200 ريال الى 2500 ريال من جده الى كازا على الخطوط السعودية وحسب المكتب اللي تتعامل
معه .. (توني سالت عنها قبل يومين)
بخصوص المدن اللي تزورها أنا أرى إنك تقتصر الزيارة على كازابلانكا لانها أول زيارة لك والمدة قصيرة وعشان تتعرف
على طباع الناس هناك ..
اسعار الصرف (الريال = 1.9 درهم تقريباً)
وقبل لاتروح عليك بالتقارير في هذا المنتدى الطيب لاتخلي شيء الا تفصفصه هنا عشان تحط لك جدول مايخر المويه