السلام عليكم ورحمة الله وبركاته
شباب انا ودي اروح اندونيسيا باذن الله في شهر اكتوبر معايا زوجتي واولادي واحد عمره 5 سنين والثاني 5 شهور
فماادري ايش نصايحكم من ناحية الطيران من جدة والبرنامج وكم تكون الميزانية بدون التذاكر المدة تقريبا من 10 ايام الى 15 على حسب التكلفة
والف شكر لكم مقدما
هلابك اخوي انا توني جاي من اندونيسيا اول مره اسافر لها وماقصرو معي الاخوان هنا وانا بقولك على الي عندي
والاخوان مايقصرون
انا رحت من جده الى جاكرتا ذهاب اياب على خطوط الجارودا الاندونيسيه الذهاب رحت على درجه اولى
قمه الرفاهيه والوساع والراحه والاهتمام بالرجعه رجعت على السياحي لك عليها موب مثل الاولى ضيقه شوي
ومافيها شي تلهي نفسك فيه الين تاصل وتقريبا سعر تذاكرها ارخص من السعوديه واذا تبي الراحه والوناسه
زد فلوسك ورح على طيران الامارات
اما البرامج لازم تحدد وين بتروح عشان اقدر انا وغيري تحديد لك لاكن بما انكم عائله مانصحك في جزيره بالي
لان كلها اجانب
0ايام
7 ايام الجبل ( الجبل فيه اماكن كثيره حلوه وشف التقارير وبتلقى الي يسعدك )
3 ايام جاكرتا ( تصلح اخر الايام كلها اسواق + مدينه انشول )
اما الميزانيه اذا عشر ايام تكفيك 15 الف ريال وعرفت تصرفها صح بترجع ومعك باقي وتعيش هناك ملك
وحاول ماتسحب من الصرافات هناك ياخذون عموله واحسن لك تاخذ فلوسك كاش دولار ولا ريال مافيه فرق واجد بينهن
اتمنى اني افدتك بشي تحياتي لك

ابوفصولي
وعليكم السلام ورحمه الله وبركاته
عزيزي بالنسبه للطيران الافضل لك الدايركت (السعودية - الجارودا)
الصرف اليومي بإندونيسيا يحسب على حسب فخامة وسعر السكن
اذا كان البرنامج يتخلله طيران داخلي للسفر الى بالي راح يكون الصرف اليومي مرتفع
اذا اكتفيت بجاكرتا - بنشاك - بوقور- باندونق - لمبانق راح يكون متوسط الصرف اليومي لهذه المدن
0دولار باليوم الواحد ممكن يقل في بعض الايام وممكن يزيد ولكن هذا المبلغ يعتبر متوسط للصرف
اليومي وتذكر أخي العزيز أن هناك رسوم للفيزه تدفع بالمطار عند الوصول لإندونيسيا بقيمة 25 دولار للشخص
البالغ او الطفل الرضيع وهناك ضريبة مغادرة بقيمة 150 الف روبية للشخص او الطفل ولابد من وجود مبلغ حتياطي لإي طاري لاسمح الله بحدود (2000) ريال

مشاعر انسان
الكوكب الطائر الف شكر لكم

اذا معك طفل خذ حسابك في العلاجات لان تغير الجو رايح يسبب له مشاكل صحيه
ترروح وترجع بالسلامه