حياكم الله بالبحرين
بالنسبه لايجار السياره اتوقع تاخذها من المطار اذا كنت عارف الطريق ..
هذا الموضوع يمكن يفيدك بهذا الخصوص >> https://artravelers.com/p/re/352374
اما باقي الاستفسارات ان شاءالله تحصل اجاباتها بالرابط اللي بتوقيعي (الدليل السياحي)

أول شي يا هلا وسهلا فيكم بين أهلكم وأخوانكم ,,
انا مع اختي مزون ، موضوع الأخ ( سنايبر ) حول رحلته بالسيارة من جدة الى البحرين قبل حوالي اسبوعين راح يفيدكم وايد.
وبقية الاستفسارات راح تحصلها في المواضيع المثبتة في البوابة البحرينية وراح تستفيد كثير أحسن من التشعب والازدواجية الي راح نذكرها لك هني
بس بالنسبة لتأجير السيارة أنا عندي استفسار وهو انك راح تيي البحرين بواسطة السيارة وبعدين راح تأجر سيارة ؟؟! إلا اذا كنت تحتاج سيارة ثانية يعني ؟؟ الأفضل إنك تأجر من البحرين أفضل من الخبر ، ومو بالضرورة التأجير يكون من المطار ولكن اذا حبيت تاخذ لك أكثر من محل تأجير فالخيار الأمثل هو التأجير من مطار البحرين الدولي.
أوقات سعيدة ,,

عفوا ،،أعتقد الاخ/ابو اياد يقصد من جده الى الدمام بالطياره بعدين يستاجر من من مطار الدمام .. بس السؤال ليش مو من جده الى البحرين مباشرة؟

مزون
مشكورة مشرفتنا العزيزة
اخذت فرة على مواضيعك اللي بالتوقيع وفعلاً مفيدة لأي واحد جاي البحرين
مشكورة مرة ثانية ..

اخوي بحريني غير .. شكراً لأهتمامك وبالنسبة لموضوع السيارة انا كنت ابغى احد يقول لي وبالذات من السعوديين وش الافضل الاستئجار من مطار الدمام ولا من الخبر ؟؟ هذا قصدي لاني احتاج السيارة في الخبر وهذا ردي على الاخ ابو رغد بالسبب من جدة الى الدمام وليس الى المنامة مباشرة
مع الشكر لكم جميعاً ..
سؤال عابر :
اذا كنت اجهل الاماكن في المنامة وانا معي سيارة وش الافضل افر على السيارة لحد ما احصل اللي ابي ولا اخذ ليموزين ؟؟؟؟؟؟؟؟؟
هل هناك خريطة واضحة لمدينة المنامة ؟
هل سيارات الايجار فيها gps ؟

هلا ابو أياد _ استأجر من مطار الدمام وأطلب تصريح العبور الى البحرين !
بالنسبه للخريطه شيك على wikimapia / قوقل ايرث
ما أعتقد تحتاج حي بي اس في البحرين -الدعوة سهالات ان شاالله - اذا بتسكن في فندق خذ وصفه واللوحات الارشاديه واضحه وكثيره وفي حالة تعقدت الامور استخدم التاكسي واسأل .و أهم شيىء الا لتزام بالأنظمه المروريه !