ان شاء الله اهل البحرين يفيدونك بس ماحبيت ادخل وماارد
تقبلي مروري

حبيبتي بالنسبه للاكلات
عندج وايد خيارات منها المجبوس والهريس والصافي والشيلاني وعندج الحلوى البحرينيه والمتاي والزلابيه والسمبوسه الحلوة ووايد اكلات ثانيه لو اعد ماخلص
الزي التراثي
للرجال الثوب العربي والغتره
والنساء الجلابيه والثوب النشل طبعا ايام اول
اما الحين تلقينهم بالعبايات او بالثياب العاديه
اكثر شي يميزنا وبشهاده الكل
طيبه شعبنا الله لايغير علينا وبساطتنا
وهذي روابط عن البحرين ان شاء الله تفيدج
https://artravelers.com/p/re/220551

المنتدي متروس صراحه بعلومات مفيده ماشاءالله .....
امسك ورقه وقلم وبقق عيونك واسبح في منتدي تلقه مرادك............
تقبل مروري

هلا دلوله ،،،، اشلونج شنو عندج بالبحرين لا يكون حق الجامعة موضوع ولا بس حابة تتعرفين علي التراث مالهم
ادريبتقولين شالملقوفة موصح !!!!!!!!!!!!!!!!!!!!!
بش حبيت اتحرش فيج ،،،،عزيزة وغالية يا دلولة يعقوب

عندي نشاط يختص بمملكة البحرين
ياليت الأكلات تكون دعومة بالصور أو طريقة الوصف علشان نعرف من ايش تتكون
وأبي صورة جلابية النشل
فاررسة
الماسة السوداء
دلوعة يعقوب
كويتية وافتخر
يعطيكم العافية ماقصرتوا

ماقصرت اختي الماسه ..
بضيف عليها .
ماهي الأكلات البحرينية المشهورة ؟
تتميز البحرين بسمج الصافي ..

وهالسمج يتوافر في جميع دول الخليج لكنه في مرابي البحرين غير .. نفس الزبيدي فالكويت ..
المجبوس .. تشتهر فيه دول الخليج ايضاً .. وكل دوله تتفن فيه بشكل غير .. فالسعوديه اسمه الكبسه او ينطبخ غير عن مجبوس البحرين ..
وهذي صوره للمجبوس البحريني

الهريس والثريد ماتخلى اي سفره بحرينيه في رمضان منهم ..
معظم الاكلات فالخليج تتشايه المسميات فقط اللي تختلف واحيانا البهارات المستخدمه ..
اما حلويات البحرين فهي غنيه عن التعريف ..
الحلوى .. الحمراء والخضرا .. المتاي , السمبوسه الحلوه ..

الزي التراثي للنساء وكذلك الرجال ؟
قديما كان الرجال يلبسون ثوب معين فالمناسبات وهالثوب اسمه الشلحات .. وهذي صوره له ..
طريقة اليدات تختلف .. وتميزت البحرين ايضاً بالعقال المذهب .. ويسمى الشطفه ..

وهالصوره للشيخ حمد بن عيسى امير البحرين الراحل بالشطفه ..

اما العروس البحرينيه .. كانت تلبس ثوب النشل .. المطرز يدوياً .. ولازال الثوب ينلبس في مناسبات مثل حفلات الجلوه (الحنه) .. وفي رمضان ..

اما يومياًً .. كانت النساء تلبس فالبحرين الثوب العادي .. (تتجبع فيه وتمارس حياتها اليوميه بشكل عادي) وطبعا البخنق للفتيات الصغار ..

يتبع

ماشاءالله خواتي ماقصرو ..
خصوصا اوزي الله يعطيج العافيه حبيبتي

أكثر مايميز البحرين عن غيرها من دول الخليج
تتميز البحرين عن باقي الدول انها لازالت محافظه على بعض الصناعات الحرفيه اللي اشتهرت فيها من زمان ..
ولاتزال المصانع تشتغل يدويا وتنتج اشياء مميزه ..
مثل صناعة السلال .. والفخار .. وماي اللحقاح والخبز والعديد العديد غيرها ..

واخيرا تميزت عروس البحرين بالمشموم والرازجي يشكونه في شعرها .. وتنزف على قطعة سجاده لعريسها ..
واي شي ثاني سأليني وبجاوبج .. البحرين على صغر حجمها الا انه تاريخها عريق وكبير .. يبيله كتب ..
لكن اذا في نقاط معينه سأليني وبحاول اجاوبج عزيزتي

أختي ozyee من طول الغيبات جاب الغنايم حبيبتي ...
حياج الله ... والله يعطيج ألف عافية على هالردود الجميلة واللي مب غريبة عليج أبد ..
لا تغيبين عنا وايد .... لا خلا ولا عدم ان شاء الله