ياعالم ياناس ياخوان اندنوسيا اقل من 12 يوم بالديره ماتنفع .. لازم تكون رحلتك من 12 فأكثر .. صدقني راح تندم ..
عموما شيء راجع لك ..
انت رايح ايام قليله جدا لذا انصحك بعد ماتوصل جاكرتا على طول على الجبل وتجلس كامل الايام هناك الا اخر يوم ترجع لجاكرتا للتسوق والاستعداد للعودة ...
بالنسبة لبالي ممكن تكون خيار بدل الجبل .... بالتوفيق

ولد الحوسني
مرحبا بك
اذا كنت من محبي الطبيعه والذبايح فعندك الجبل..وكله عرب
اما اذا كنت من محبي البحر والمغامرات البحريه فعندك بالي..وخصص لها 5 ايام لاستكشافها والاستمتاع بالمغامرات
في بالي..من وجهه نظري كوتا هي المركز السياحي
احس المنطقة في حياه واسواق
عندك بعض منطقة سينيماك وهي اقل حيويه من كوتا
ويمدحون شواطئ نوسادو بس هالمنطقة اقل حيويه وحركه من المنطقتين اللي فوق
واذا تبي السكون في السكن عندك جمبران
http://www.asiarooms.com/en/search?searchType=location&city=Bali%2C+Indonesia&checkInDate=2010-07-07&nbNight=1&countryId=36
اختار المنطقة اللي تبيها وبتطلع لك الفنادق وشوف مدى قربها او بعدها عن البحر
وهذي البرامج السياحيه في موضوع اخونا نجم الكويت
https://artravelers.com/p/re/381658
تحياتي لك

الرحله ماتكفي تروح بالي
بالي لحاله تبغى اسبوع

انا خلاص بروح بوشناك وبيلس فيه 3 ايام
و4 ايام بالي
ويوم واحد جاكارتا
يعني 17-سيده لبوشناك 17-18-19و19بنطلع لين بالي وبنيلس 19-20-21-22--23بنطلع لين جاكارتا وبنيلس 24-25-بنرجع للامارات
الحينه انصحوني بالفنادق او الفلل ببوشناك....
و كمن فندق في بالي يمدحونه
وفندق بنص المدينه للتسوق بجاكارتا
..
لاني ناوي ان شاء الله يوم الجمعه اروح لمكتب واجحز الفنادق مع سياره تشلني من المطار للفنادق
..
وسؤال
بنسبه حق الطيران لجزيرة بالي تنصحوني احجز من الامارات وله بلاقي مكان اذا حجزت من اندونيسيا
وانا ناوي احجز على طيران جاروده
..
ومشكورين على الردود
ودي اطول الفتره بس للاسف ماشي اجازه ..

انا خلاص بروح بوشناك وبيلس فيه 3 ايام
و4 ايام بالي
ويوم واحد جاكارتا
يعني 17-سيده لبوشناك 17-18-19و19بنطلع لين بالي وبنيلس 19-20-21-22--23بنطلع لين جاكارتا وبنيلس 24-25-بنرجع للامارات
اخوي وقتك قصير زي ما جاوبوك الاخوان جدا
اختر وحده من ثنتين عشان ما تصير مثل معايد القريتين
يا جاكرتا بالي جاكرتا
ولا جاكرتا بونشاك جاكرتا
وانصحك تخليها بونشاك عشان ما يضيع عليك يوم سفر رايح جاي طيران بين بالي وجاكرتا
شف برنامجك
اول يوم وصول بتطلع للجبل دايركت وهالامر متعب لانك جاي من رحله سفر طويله واجراءت مطار اولا
ثانيا اذا كنت تقصد يوم 17 وصولك ميلادي بيكون يوم سبت
لا تطلع بونشاك يوم سبت لان اليوم بيروح عليك وانت في السري الطريق يغلق في هليوم ويكون اتجاه واحد لين المغرب
وبعها تقعد يومي واحد فقط ببونشاك الل يهو 18 ويوم 19 سفر بالي لان يوم سفرك لا تعتبره جلسه ببونشاك لانك بتروح جاكرتا للمطار
اما بالي بتروحها يوم 19 لا تعتبره من رحلتك بتجلس 20/21/ /22 ورابع يوم راد جاكرتا
يعني بالعربي ترتيبك بيتعبك جدا اذا تسهلت امورك بالرحلات والسكن بتتعب في التنقل اخوي الكريم
خل رحلتك اول يومين اذا هو وصل بتارخ ميلادي جلسه بجاكرتا
تكون للمولات والاسواق فيها لانها سبت واحد هالايام ما تنفع فيهم التمشيه في الفعاليات لانها مزحومه اخوي
وبعدها تطلع بونشاك تخلص ايامك هناك
بالي تستحق اكثر من 3 ايام وكذلك بونشاك
فكر وقرر
وان قدرت تخلي وصولك يوم الاحد هناك بالحجز يكون افضل

مرحباا..
انا حاليا في بالي وبيلس فيها 5 ايام
ممكن تعطوني رقم تاكسي يدل الاماكن السياحيه في بالي
او تنصحوني اطلع مع شركات سياحيه..

بالنسبة لارقام السائقين اليك رابط اخي ميدان
https://artravelers.com/p/re/389407

باقي لي ثلاث ايام في بالي
حد يخبرني وين ارووح بهل ثلاث ايام
انا رحت سفاري .. و اليخت .. و مزارع الارز
وباجر بروح للبركان ومصنع القهوى..

اليك رابط الجواب الوافي من اخوي نجم الكويت
https://artravelers.com/p/re/338295