السلام عليكم بوعزيز
بعد ان قرات كل التقارير الخاصه بسويسرا من جميع الاعضاء اللي راحوا سويسرا وضواحيها وشفت انه خبرتك طويله مده 27 سنه يعني ماشاءالله عليك تعرف وتدل كل زاويه فيها
بما انك خبير اخوي بوعزيز فلازم تتحمل ازعاجي واستفساراتي لاني مافكرت في السياحه لسويسرا الا من تقاريرك
فتكفى اخوي بوعزيز ولا عليك امر
لو بغيت اروح من الدوحه دايركت جنيف وابي اسكن في انترلاكن لمده اسبوع
ابي برنامج كامل بالتفصيل الممل من اول مااوصل مطار جنيف شلون اروح انترلاكن بالباص او القطار او تاكسي والمسافه من مطار جنيف لين انترلاكن شكثر
والسويس باس اشتريه من المطار من وين بالضبط
والفندق في انترلاكن يكون بحدود 700 ريال تقريبا ويكون في السنتر يعني كل شي قريب
وتكمل لي البرنامج لوسمحت وتكرمت من اول يوم لمده 7 ايام او 6 ايام علما ياخوي انا احب اروح المناطق الثلجيه وكوخ هايدي ومصنع الشوكلاته يعني هذا اهم شي يكون في البرنامج
وياريت ياخوي المناطق اللي بتحددها ماتكون المسافه اكثر من ساعتين لانه معاي اطفال وسؤال أخير .. تنصح السكن في جنيف ولا انترلاكن بالنسبة للأماكن السياحية
لأني افكر في الاطفال والشنط اذا كانت المسافة من جنيف الى انترلاكن.. عشان كذا كنت فالبداية افكر اسكن بجنيف بس بعد ماقريت تقاريرك حسيت ان جنيف مافيها اماكن سياحية وبعيدة عنها.. شرايك...؟ وبرايك شنو الافضل تأجير سيارة من مطار جنيف الى انترلاكن والا في وسيلة احسن لان مثل مافلت لك معاي اطفال وشنط ..
ومشكور وسامحني على الاطاله ..وللعلم انا وجهت لك من 3 ايام نفس الاسئلة في بوابة الاستفسارات لكنك مارديت
عشان جذي كتبتها لك هني مرة ثانية ...
وجزاك الله خير.....