النجم11
14-08-2022 - 08:55 am
السلام عليكم ورحمة الله وبركاته ....
حياكم الله اعضاء وزوار هذا الصرح الكبير وشكر كبير للقائمين على هذا المكان ...
يعطيكم 1000 عافيه على المجهود الكبير اللي تقومون فيه وافاد كثير من الناس بشكل كبير..
على العموم انا مالي في المقدمات ندخل في الموضوع دغري....
بعد مافرفرت بهالمواقع والمنتديات وشفت كم ديرة عشان اسافر وقع الاختيار على ام الدنيا مصر للسفر اليها....
لكن للاسف هذي اول مره اسافر برا المملكه بحياتي والمشكله ان خويي وهقني ويمكن انزل لوحدي لمصر...
ابغى استشيركم بامور عديده ....
اولها رايكم بمصر بالعيد تنصحوني اروح مصر او لا ....؟
والطيران ودي بارخص شركة طيران من الرياض لمصر وكم التكلفة تقريبا للي سافر من الرياض لمصر..؟
السكن وين احسن مكان للسكن في القاهره وهل اخذ فندق او شقة ...؟
واحسن الاماكن للتمشية في مصر ...؟
وبالاخير رايكم بالمبلغ 6000 تقريبا هل تكفي لقضاء اسبوع في القاهره لشخص واحد ....؟
ايه وقبل لانسى اذا ماينفع مصر لوحدي ولازم يكون معك شباب وقروب وكذا علموني قبل ماتوهق...
وتكفون توصوا فيني ترا مبلغ السفره جامعه من مكافاة الجامعه لسنتين يعني ودي انبسط تكفوون
وكل الشكر لمن يرد على موضوعي ويتجاوب معي مقدما
وايضا كل الشكر للي شخط من موضوعي ولارد مع اني محتاج رد كل واحد منكم
