وين بتوع نيوزلاندا ^_^

عليكم السلام ورحمه الله وبركاته ,,
حبيت أسألكم عن الجو في نيوزلاندا بشكل عام ومدينة دندن بشكل خااص شهر 10 و11 و12 و 1 هجري
واذا الجو برد هل البرد زي بردنا هنا بالسعوديه والا بردهم عادي لاني بصراحه خايف البرد يأثر فيني واتاخر كثير في القومه الصبح ؟
عزيزي الجو راح يكون بارد , لكن بردهم أهون من برد نجد .. يعني برد رطب لا جآف ..
طيب وش رايكم أحجز طيران من الحين والا أصبر لمين رمضان لاني ناوي اسافر بالعيد الثالث بعد رمضان يعني ب 3 / 10 هجري
عزيزي كلّ مابكرت ب الحجز كآن من مصلحتك .. حتى تضمن رحلتك ..
والمعهد نصيحتي أخبرهم من الحين وأطلب منهم الفاتورة .. وبعدين سدداها قبل لا تمشي ب شهر .. حتى لو حصل شئ تكون فلوسك ب جيبك .. لأن المعهد مايردها ..
لكن خطوط الطيران لو حآب ترجع فلوسك ممكن تخسر 300 ريال ويردوها لك ..
وبالمناسبه انا قررت ادرس هنا 6 اسابيع طبعا غير التعليم الذاتي الي كل يوم اسويه واخترت معهد برلتيز حبيت آخذ رايكم فيه بعد ماسكر الباب بوجهي معهد البريطاني الثقافي الموجود بحي السفارات ؟
المدّة جداً قصيرة ..
أما عن التعليم الذاتي هذا لازم حتى تحقق أكبر قدر من الفائدة ..
وحبيت استفسر عن اللكنه (الأكسنت) للمواطن النيوزلاندي يعني شلون الحين هم يتكلمون بريطاني والا امريكي !! مع اني ماأفرق بينهم زين ؟
اللكنة مابين الأمريكي والبريطاني .. وتميل ل البريطانية أكثر ..
أما عن القاموس .. أنصحك ب زيارة أيّ مكتبة ك جرير .. وأسألهم عن القاموس الأفضل ..
لأن الجديد غالباً يكون أفضل ..
وبالتوفيق ,,

يعطيك العافيه احمد على الاجابات الشافيه ... طيب أخوي بسألك وش تنصحني أبي مدينة بالجزيره الجنوبيه لو صغيره بس يكون متوفر فيها كل شيء الا الطلاب العرب:tongue: طبعا اختياري للجزيره الجنوبيه انها احلا حسب كلام الأغلبيه من الاخوان .... وحبيت أسألك حسب معلوماتي انه شهر 12 يكون عندهم اجازه ؟؟
طبعا ياليت تقول لي رايك في وقت الرحله 25 أغسطس الى 15 نوفمبر تقريباَ
بالنسبه للمعهد انا مفكر اول شهرين آخذ فل تايم وأكسن مع عائله وآخر شهر بسكن بروحي وبخليها بارت تايم وش رأيك ؟؟
وبالنسبه للخطوط وش أفضل السنغافوريه والا الكاثي باسيفك ؟؟
والله يعينك علينا

ahmad
المده ل 6 اسابيع يالغالي هذي بدرسها هنا قبل اسافر .... مدري انت تقصد قصيره هي والا ال 3 شهور بنيوزلاندا

عفواً عزيزي حسبت إن المدة التي ب نيوزيلندا ..
بالنسبة لأن الجزيرة الجنوبية أجمل من الشمالية , شخصياً أُخالف هجري الرأي :-
أولاً / دليل إن سكان الجزيرة الشمالية قرابة الأربع ملايين والجزيرة الجنوبية حدود المليون .. هذا ليس من فراغ ..
ثانياً / الأماكن في التي في الشمال أكثر من التي في الجنوب .. أقصد أن هنآك خيارات متعددة في الشمال ..
ثالثاً / الخضّرة في الشمال أكثر أو أشد من الجنوب .. وذلك ب سبب برودة الجنوب عن الشمال ..
أما عن مدينة أو قرية أرشحها وتكون خالية من العرب , هنآك تقرير عن معهد في وآنآكا كتبه أخي / المظلوم .. وهو يدرس في المعهد الآن .. أتمنى قريباً أن يفيدنا ب تقرير عن زيارته ..
أعتقد المنطقة مجهولة من قِبل العرب ..
وعن الفترة جميلة .. لكن الجو س يكون بارد ..
بالنسبه للمعهد انا مفكر اول شهرين آخذ فل تايم وأكسن مع عائله وآخر شهر بسكن بروحي وبخليها بارت تايم وش رأيك ؟؟
إذا عندك إمكانية إن تقضيها كلها فل تآيم , ومع عائلة .. أفضل ..
وأنت من هنآك ممكن تنسق ل نفسك كيفما تشآء ..
عن الخطوط .. السنغفورية على إجماع الغالبية ..
وبالتوفيق ,,

كأني سمعت أسمي
حي الله بندول
أنا هالحين أكلمك من واناكا
ومافيها عرب أبد
الا أنا و متوهق ولكن!
ولا لمحت خشّت عربي أبد :biggrin:
أي سؤال ياليت تحطه بهالموضوع
https://artravelers.com/p/re/252517
عشان تفيد اللي بيدرس فيها بالمستقبل
وتكون بموضوع واحد
فيه واحد سعودي مراسل المعهد ... لا يكون أنت؟
:11ughboun

ahmad
وياك اخوي وتسلم على كل شيء

المظلوم
لا والله موب انا :wink: :wink:
منور اخوي وياليت تكتب لنا تقرير كامل عن رحلتك..
تحياتي