هلالي مسافر
26-06-2022 - 06:15 pm
السلام عليكم ورحمة الله وبركاته
نشكركم على هذا الموقع الرائع فهو الخيار الأول والأخير للإعداد للسفر إلى جميع دول العالم
في البداية عندي اقتراح بسيط : لو يكون الموضوع هذا تجمع للأعضاء اللي بيسافرون سويسرا لأول مرة ويكون فيه تبادل المعلومات وطبعا مانستغني عن الخبراء في الرد علينا
انا طبعا متردد للسفر بين تركيا وسويسرا ولكن حاليا قررت الذهاب لسويسرا بحول الله وقوته
لكن عندي اشياء كثيرة تجعلني خائفا ومترددا منها
1- وهي النقطة المهمة جدا جدا طريقة تقسيم البرنامج أنا ابغى رحلتي اغلبها تكون في سويسرا وهل النمسا قريبة منها وهل ممكن زيارتها والعودة لسويسرا مرة اخر
2- اللغة 3- لبس المرأة للنقاب هناك هل فيه مشكلة 4- قيادة السيارة في مكان غريب
5- طريقة حجز الفنادق وطريقة الوصول لها بالسيارة
ادري كثرت عليكم لكن احس مخي ملخبط مدري من وين ابدأ ووين انتهي ؟؟؟؟؟؟؟
هلا بك اخي
1- تقسيم الاماكن محتاج منك على الاقل ان تعرف مكانها على الخريطة وبعد تقرأ التقرارير للاخوان اللي سبوقك وقتها انت اللي يحط البرنامج مو غيرك يمشيك على كيفه
2- اللغة الانقلش يمشي حالها
3- نعم فيه مشكلة وهو غير مرغوب وليس مرحب به في هذي البلاد
4- قيادة السيارة جدا رائع وممكن
5- الحجز براحتك اما انت تعملها عن طريق مواقع الحجز مثل بوكينق او من موقع الفندق عن طريق النت أو عن طريق مكاتب السياحة واعيد اكرر لك نقطة قرائة التقارير فيها وصف وانطبع المسافرين عن الفنادق وتقييمهم لها
بالنسبة للوصول للفنادق او اي مكان ثاني في اي مكان في العالم ففيه جهاز الملاحة تشتريه وتتدرب عليه ويكون عليه خرائط اوروبا
القرائة مهم اخوي فكل شيء تقريبا موجود بين تقارير الاعضاء وحتى استفساراتهم السابقة وفي الدليل في توقيعي
فكرة التجمعات لا انصحك بها ولا اشجعك عليها لان كل مسافر له اسالته ومتطلباته وموضوعه اللي يحب ان لا يشاركه احد فيه وانما يضيف او يجاوب عليها فقط
قبل ان تبدأ بالقرائة لازم تعرف حدود ميزانيتك وتقدير ميزانية السفرة ووقت سفرتها
بالتوفيق
بالتوفيق