1. ف استفساراتي حتجيكم على دا الشكل :

السلام عليكم ورحمة الله و بركاته
حبايبي اعضاء المنتدى صراحة مرة افدتوني مرة كتير
في سفرتي لماليزيا الصيف اللي راح و سفرتي للكويت و البحرين الاجازة بين الترمين
و ياريت دحين تساعدوني كمان >> ولفت
انا و اهلي ناوين نطلع امريكا بس لسا ما حددنا متى

ف استفساراتي حتجيكم على دا الشكل :

1- بالنسبة للاقامة و الفنادق ابغى شقق مفروشة او فلل للايجار تكون نضيفة و امنة و حلوة او حتى فندق بس يكون سعرو معقول؟
2- احنا عائلة 3 اطفال و 4 كبار بنات و اولاد فايش تشوفو الولايات المناسبة لينا اننا نروحلها طبعا عارفة انو فلوريدا لا بد منها طبعا ونفسي مرة لاس فيغاس و نيويورك وكاليفورنيا و واشنطن و كتير بس ما نقدر نروحها كلها اولا قصر المدة ثانيا مرة حتصرف كتير ف ايش انسب ولايات لينا ؟
3- ابغى اعرف الاسعار هناك كيف لانو اسمع ناس تقول زي هنا وناس تقول مرة غالية وابغى اعرف اسعار كل شي الاكل(اهم شي اسعار الوجبات السريعة) التماشي و السكن و السوبرماركتات و الببسي (اهم شي) اسعار استئجار السيارات و الاسواق كيف؟
4- اهم الاماكن لانو زمان لما كنا نسافر كنا صغار فكنا نمشي على الله على فين ما يودينا التاكسي و لا نسال عامل الفندق نتفاجا لما نرجع الناس يقولونا رحنا المكان الفلاني نقول لا طيب رحت المكان الفلاني لا احسهم يحسبونا كدابين
و لكم الف شكر