مجنونها00
13-02-2022 - 08:52 am
مساكم الله بالخير جميعاً...
وأهني نفسي بكم وبمنتداكم الرائع كروعة هذا المساء...
وندخل في الجد يالربع بعد ديباجة ابوالاسود الدؤلي
هذا اول موضوع لي في هالمنتدى والله لا يجعله اخر العهد بكم فديتكم...
جيتكم اليوم طاير كني سيكل بدون رفارف ابي اسأل واسأل واسأل لين يغمى علي بس حطيت رجلي على التاير اللي قدام وكني هديت السرعه شوي
يعني بقدم الاهم ثم المهم لين الله يكتب لي روحه يم العمه ان شاء الله
توني واصل من هيوستن سقاها السيل وكنت مخطط على مكان افرمت فيه مخي بعد الكرف في المشروع
وطاح الاختيار على العمه بعد ماسيرت عليكم وشفت وقريت مايسر الخاطر ...
وبعد مامدحها اثنين من الشقرديه اللي معي بالشركه
عموماً تراني حالف مايقوم واحد من مكانه ولا يتكلف ترا البساط احمدي
بس للاسف تقررت الروحه بعد مانشغل مصنعنا الله يعين عليه لآن الاجازات ممنوعه ...
فطاح الاختيار على شهر يناير يعني بداية السنه ....
ولكن خوفي انا والربع من الجو لاننا مانعرف وش بيكون الطقس في هالفتره هناك يعني الفزعه بالعلم اللي يجمد على الشارب..
تكفو ون
تراني متزهل وضارب صدري اجيب العلم الوكاد للشيبان الثنين اللي بلشت فيهم بالسفره فديت خشومهم
ولاعدمتكم ...
ففي كل عام هناك أربعة أشهر ممطرة .. وباقي السنة يكون الجو واحد ويختلف من منطقة لمنطقة .. فمثلاً منطقة بنشاك وجبناس يكون بارد وعليل وفي اليل تزيدالبروده .. ولا يكون حار أبداً ..
واما جاكرتا وشربون وبالي .. فتكون حارة الى متوسطة ومناسبة .. أغلب أيام السنة
المناخ بالي
نوفمبر – مارس يكون ا لطقس حار رطب
مايو – سبتمبر يكون الطقس جاف ولطيف نوع ما
طيلة ايام السنه تكون الحراره خلال النهار مابين 20 – 33 درجه مئويه
خلال شهر نوفمبر او الفصل الحار الرطب تهب رياح موسميه غربيه تجلب امطار كثيفه بالاضافه لرطوبه عاليه
وخلال الفتره من يونيو الى سبتمبر الرطوبه تكون منخفضه ويمكن ان تكون الاجواء بارده خلال الليل
واثناء هذه الفتره من السنه من النادر ان ترى الامطار تهطل على سواحل بالى