السلام عليكم ورحمة الله وبركاته
معلش عندى شوية استفسارات لانى كنت مرتبة جدول شهر العسل ان احنا هنروح ماليزيا فاقترح عليا خطيبى امبارح بس ان احنا نروح ماليزيا واندونيسيا علما بأن الرحلة كلها 12 ليلة 7 ماليزيا (4 ليالى لنكاوى و 3 ليالى كوالا)و 5 ليالى اندونيسيا. السفر الشهر الجاى ان شاء الله يوم 22/11
نبدأ بأى الأسئلة:
1- هل نبدأ الرحلة بماليزيا أم نبدأ باندونيسيا؟
2- انا عرفت ان مناطق اندونيسيا هى بانشوك وباندونج وجاكرتا و بالى ، تنصحونا نقضى الخمس ليالى فين بس من غير تنقلات بالسيارة أو بالطائرة كثيرا، يعنى منطقة أو منطقتين بالكثير و ميكونش فيها جبال يعنى لو بحر و شاطىء يبقى افضل
3- ما هو الفندق المفضل (4*) فى المنطقة الى هترشحوهلنا؟
4- هل الجمع بين ماليزيا واندونيسيا فكرة صائبة أم مرهقة؟
5- كم تبعد اندونيسيا عن ماليزيا بالطائرة؟
عارفة ان أسئلتى كتير بس معلش انا فعلا مزنوقة فى الوقت ومش لاحقة أقرا التقارير
و جزاكم الله كل خير على سعة صدركم