1. diet4ever


2. كيف الحاال يا خبراء أندونيسيا ؟؟

diet4ever

كيف الحاال يا خبراء أندونيسيا ؟؟

ان شاء الله نوينا نسافر هذا الشهر وبعد الكثير والكثير والكثير من البحث الشاق عن مكان يناسبنا تم الاستقرار بشكل جزئي على أندونيسيا .. صليت الاستخارة والحين بنسعى ان شاء الله فالموضوع واذا الله كاتب لنا هذي السفرة خلال هاليومين بنحجز ان شاء الله ..
استفساراتي هي كالتالي ...
اولا .. شو جو اندونيسيا هالفترة ؟؟ انا جيكت موقع لدرجات الحرارة وحسيتها مرتفعه شوي .. فهل الاجواء مثل صيف الخليج الجاف الحار ؟؟؟ او انها مناسبه للتنزه ؟؟؟
انا توني جاي من شهرين تقريبا جاكرتا جوها رائع نوعا ما .. الجبل بارد في الليل اما الظهر معتدل ...
ثانيا .. بعد أخذ جولة سريعه فالقسم حسيت ان بالي هي أكثر المناطق السياحية شهرة .. هالشي صحيح ولا توجد مناطق ثانية تستحق الزيارة ؟؟ علما ان مدة سفرنا ايام تقريبا
اذا سفرك عشرة ايام .. انا اشوف جاكرتا بالي جاكرتا فقط .. يومين جاكرتا وتحجزون على بالي 6 ايام وترجعون لجاكرتا وعموما 10 ايام تعتبر قليلة والافضل اسبوعين كامله ..
ثالثا .. ان شاء الله ولدي بيكون وياي وهو على مشارف اتمام السنة .. وبنعتمد على عربة الاطفال فتنقلاتنا .. فهل بيسبب لنا هالشي صعوبة ؟؟؟
اناا اشوف الولد ماتأخذونه لانه احنا وكبار نتعب وشلون الصغار . .. الولد لاتاخذونه نصيحه..
لين الحين هذي استفساراتي .. وأرجو متابعة موضوعي لان في حال تيسرت خططنا بحتاج لمساعدة اكثر ..
ولكم جزيل الشكر ..
سنستمر معاك ان شاء الله بموضوعك

جاكرتاوي 999
الف شكر لك اخوي ع الرد ..
الحمدلله اهم شي تأكدت ان الجو معتدل مش حار لان هذا الي كنت احاتيه ..
وان شاء الله بنحاول نمدد السفرة لاسبوعين حسب الظروف .. والصراحة انا كنت حاطه فبالي نفس خط السير ..
والولد والله مضطرين ناخذه .. لو بيدنا جان سافرنا روحنا لان اكيد وجوده بيكون تعب له ولنا بس للظروف احكاام .. وما نقدر نخليه للأسف >.<
جزيل الشكر لك اخووي ^.^

ياهلا و مرحبا ..
اولا .. شو جو اندونيسيا هالفترة ؟؟ انا جيكت موقع لدرجات الحرارة وحسيتها مرتفعه شوي .. فهل الاجواء مثل صيف الخليج الجاف الحار ؟؟؟ او انها مناسبه للتنزه ؟؟؟
الجو يختلف من مدينه للثانيه
جاكرتا + بالي اشبه بجو جده
الجبل بارد مساءَ معتدل نهاراَ
باندونق بعد تعتبر بين جاكرتا و الجبل بارد بس مو مثل الجبل ..
ثانيا .. بعد أخذ جولة سريعه فالقسم حسيت ان بالي هي أكثر المناطق السياحية شهرة .. هالشي صحيح ولا توجد مناطق ثانية تستحق الزيارة ؟؟ علما ان مدة سفرنا ايام تقريبا
فيه مناطق كثير مو بس بالي ..
الجبل طبيعته رائعه و خلابه ..
جاكرتا فيها مناطق كثير حلوه ..
اذا كانت الفتره بس 10 ايام , شيلي منها يوم وصول و يوم مغادره بقي 8 ايام
قسميهم بين جاكرتا و الجبل .. و ركزي على اهم و احلى مرافقها ..
و اتسوقي براحتك ولا تضغطين نفسك .
و اذا كانت اكثر ياليت تزورين بالي ..
ثالثا .. ان شاء الله ولدي بيكون وياي وهو على مشارف اتمام السنة .. وبنعتمد على عربة الاطفال فتنقلاتنا .. فهل بيسبب لنا هالشي صعوبة ؟؟؟
مافي صعوبه ولا شي ,, الحمدلله سافرنا و بنتي صغيره , واخذنا العربه الصغيره
اللي تتسفط - ترى عندنا بأسواقنا ب 80 ريال - ميزتها خفيفه جداَ , و تكفي ل اسبوعين بالراحه
لكن ترى مو كشخه , كأنها كرسي بحر ..
وانا ضد اللي يروح يتمشي و يستانس , و يترك الاطفال عند الاهل بس لأنهم اهل ..
الا لضروف خاصه ...
عالعموم الترتيب و الاستعداد يسهل عليك امور كثيره
استعيني بالله ,, و الله يوفقكم برحله سعيده ..
اي استفسارات ,, حاضرين .
..

ام عزيز7
أم عزيز7 ...
قسم بالله وبدون مجاملة أنك مبدعة ومتألقة ومبهرة باأجاباتك دوما ماشاء الله تبارك الله عليك
وأتمنى من الاخت السائله أن تتبع جميع النصائح والتوجيهات اللي ذكرتها أم عزيز7 وبأذن الله أضمن
لكي رحلة موفقة وسعيدة ...

ماشاء الله تبارك الله
طالما بأن الخبراء هنا الله يعطيهم العافيه
مالنا اي كلام فوق كلامهم واحنا نستفيد منهم
توكلي على الله واتبعي نصائح خبرائنا
ورحله سعيده وبألف سلامه
بومنتظر

هلا فيج ام عزييز .. بصراحة فادتني معلوماتج وخبرتج وايد ^.^
ام عزيز7
وتسلمين مرة ثانية ام عزيز على معلوماتج القيمة ^.^
والله يسهل علينا وعليكم ان شاء الله

أبن السعودية
أشكر تواجدكم اخواني الافاضل ^.^ وبالفعل الخبراء ما قصروا .. وهذا كان العشم في أعضااء هذا المنتدى الرائع

استفسار جدييد يا خبراءنا الاعزاء ..
ضاق علينا الوقت والتزاماتنا كثرت هاليومين فحابين نستعجل فالحجز ،، كان بودي اتعمق فالبحث واخذ فكرة عن كل المناطق الحلوة فاندونيسيا ولكن للاسف ماعندي وقت ،،
استقرينا على ان يكون خط سير رحلتنا .. جاكرتا - بالي - جاكرتا
فياليت تساعدوني فاختيار الفنادق ..
اولا فندق فجاكرتا يكون قريب من المطار .. رحلتنا بتكون طويلة قرابة التسع ساعات فحابين نوصل الفندق ونرتاح بسرعة خصوصا ان معانا بيبي .. وياليت الفندق يكون راقي ونظيف .. اقامتنا بتكون ليلة وحدة فقط لانا بنرجع مرة ثانية لجاكرتا ..
ثانيا .. فندق في بالي وتقريبا بنقيم فيه ليالي .. وياليت يكون منتجع حلو واطلالته ترد الروح .. انا حصلت Man
& Woman Villas & Spa Resort
بس حبيت اخذ رايكم فيه وفاطلالته وهل هو مناسب ؟؟ واسمع اقتراحاتكم الثانية
واخيرا فندق فجاكرتا .. يكون مكانه حلو وكل شي حواليه .. وطبعا اهم شي عندي ان الفندق يكون راقي >> اختكم تعشق الفنادق ههه
شاكرة لكم تعاونكم .. وفي انتظار ردوودكم

diet4ever
الشباب الله يعطيهم العافية ماقصروا..والشكر موصول للاخت ام عزيز
جاكرتا فندق ميركوري انشول ممتاز وقريب من المطار
بالي لا اعرف معلومات عن الفندق..لكن ارجعي لتقارير نجم الكويت ففيها معلومات اكثر
جاكرتا فندق حياة طالما تحبين الفخامة
او فندق منهاتن إن كنت تفكري في الميزانية كثير
تحياتي وبالتوفيق