عليكم السلام يا هلا

الجو مناسب و حلو , انا بوصل يوم 23 اغسطس ان شاء الله
يعني بنسوي زي تبديل المصارعين انتم طالعين و حنا داخلين
ما فيه مشكلة ان شاء الله , لكن الحذر الزين , يعني لازم ترجعون بدري للسكن و الشنط اللي بيديكم تثبتونها زين لا تنسرق و لا تخلونها مفتوحة , وزعوا الفلوس معكم كلكم لا يصير مع شخص واحد , و خلوا الفلوس في الشنطة اللي تربط بالخصر و فوقها البلوفر مثلا ,
الفنادق كثيرة في اكسفورد و لكن عطوني عددكم , و هل الشقق الفندقية افضل بالنسبة لكم او تبون اوتيل ؟؟

حياك الله ابو خالد
اشكرك على نصايحك وحنا ان شاء الله راح يكون عددنا للحين يا ثلاثه ولا اربعه

الافضل اوتيل واهم شي يكون فيه حراسه ويفضل مع فطور

Emanz
مرحبتين
الحقيقة التاريخ اللي بتروحون فيه ما فيه الا اوتيل واحد يعتبر قريب من الاكسفورد بس عن نفسي ما اعجبتني شروطة بخصوص الدفع اللي هو هذا
https://www.booking.com/hotel/gb/the-leonard-and-apartments.ar.html?aid=1300939
اما باقي الفنادق نفذت
يبدوا العالم كلها في لندن بع العيد
عموما في اوتيلات بمناطق مختلفة و مناطق امنه بإذن الله
و الباصات و المترو ما يقصرون
كل اللي عليك تفتحين بوكينق و تظغطين على الخريطة و تختارين المكان اللي تبينه و تشوفين فنادقه
اذا فتحتي الخريطة شوفي حديقة الهايد بارك و بيبان شارع الاكسفورد و شوفي الفنادق اللي حوله
اعتقد ان الغرف الثلاثية و الرباعية صعب تلقينها في اوتيلات
الغالب في شقق فندقية
و السكن في لندن غالبا يكون فيه سكيورتي
و اي خدمة انا حاضر

اختي الفاضله الجو انا كنت في الصيف اللي طاف نفس التاريخ المذكور كانت علينا حر جدا وبعد المغرب يعتدل السكن الافضل لكم بشارع العرب اجور رود كله من اهل الخليج وفي عماره اسمها عمارة العوازم بشارع اجور رود ممتازه فيها امن وحراسه 24 ساعه ولا احد يقدر يفتح الباب لازم يكون عنده مفتاح وكل مكان في كاميره حتي في المصعد

أبوعبدالله
مرحبتين ابو عبدالله
وش اخبارك ؟
شلون احجز فيها عمارة العوازم ؟
هل لهم موقع عن طريق موقع اخر ؟

ياهلا وغلا فيك حبيي الغالي لا ماعندهم موقع تحجز اول يومين فندق وبعدين تروح المكاتب الشقق بشارع اجور رود تحصل عندهم شقق في العماره

أبوعبدالله
بارك الله فيك