alfars07
12-10-2022 - 04:39 am
السلام عليكم ورحمة الله وبركاته أسعد الله أياممك بكل خير
وشهر مبارك علينا وعليكم يا رب
وجعلنا الله من الفائزين فيه
رحلتي إلى اندونسييا ستكون من يوم 21 اغسطس إلى 2 سمبتمبر
وهي أول رحلة لي خارجية وهي (شهر عسل)
أريد جدول سياحي خلال رحلتي
مناطق تنصحون فيها
التكلفة التقديرية للرحلة ؟
هناك مناطق أتمنى تدرجونها في البرنامج المقترح وهي
( منطقة بونشاك - حديقة الزهور - مزارع الشاهي - بالي - السوق الصيني )
وكذلك كيفية حجوزات الفنادق والتنقلات في اندونيسيا
صرف العملة ؟
والتأشيرة هل من المطار أو السفارة ؟
وجزيتم خيرا
شهر مبارك علينا وعليك يارب
اول شي الف مبروك الزواج والله يتمم لك على خير ويسعدك بحياتك الزوجية
بالنسبة لرحلتكم راح تكون ان شاء الله 11 يوم بدوم يوم الوصول ويوم المغادرة
الجدول المقترح لك
اذا كان يوم الوصول لجاكرتا بالمساء ارتاح يوم بجاكرتا وبعدها تروح للبنشاك
واذا وصولك الصباح او الظهر تقدر تروح ع الجبل ع طول اهم شي ما يكون يوم سبت او احد
لان الططريق يتقفل وراح تنتظر وقت طويل لين يفتح الخط لان الناس نازله من الجبل
الجدول المقترح لكم
5 او 6 ايام في بونشاك كافيه ووافيه ان شاء الله
3 او 4 ايام بالي
2 يومين جاكرتا قبل المغادرة للوطن ان شاء الله بالسلامه
المجموع 11 يوم بدون يوم الوصول ويوم المغادرة
بالنسبة لي
منطقة بونشاك - حديقة الزهور - مزارع الشاهي
هذي كلها في الجبل وزعها على حسب ما تشوفه مناسب
التأشيره بالمطار ما تاخذ ربع ساعه بالكثير مره
0دولار للشخصين
بالنسبة للجبل ( بنشاك ) تحتاج سواق وراح تلاقي سواقين هناك بالهبل لا تشيل هم
بالنسبة للسكن هناك للاسف ما تقدر تحجز من النت ع حسب علمي
لازم تروح هناك او تتفق مع سواق مسبق يكون حجز لك
هذه اذا تبي فله خاصه او تسكن في فندق سيروتي بالجبل
الكلفه التقديره 20 الف بدون التذاكر شاملة كل شي ان شاء الله وزيادة بعد
خاصة بالي غاليه شوي عن باقي الاماكن في اندونيسيا ككل
بالي تحجز عن طريق النت في منتجعات كثيره انت طب وتخير بس
لي تقرير تلقاه في توقيعي راح يفيدك ان شاء الله العام الماضي
وخاصة فله بالي
انت اعتمد الجدول اول شي وبعدها توزع الفاعليات واماكن الزياره ع عدد الايام
وشوف الشباب هنا اذا احد عنده جدول مقترح افضل مايخاف بعد زيادة الخير خيرين
واي شي يعوق عليك لا يردك الا الكيبورد يا بعدي تحت امرك