اهلين حبايبي كيفكم ؟
انا و اصحابي بنسافر انجلترا وحجزنا الحمد لله التذاكر و الفنادق بعد ما استلمنا الفيزا
سفرتنا بتكون نهايةشهر ابريل 4 تاريخ 29 و العودة بتكون شهر مايو 5 تاريخ 20
السكن بيكون في لندن , برايتون , برمنجهام , مانشستر واخر ثلاثايام بلندن
الفنادق حجزناها عن طريق مكتب سياحي و التذاكر حجزناها من طيران مصر
انا عندي كذا استفسار وياليت تفيدوني ..
بالنسبة لطيران مصر هل من احد سافر فيه وكيف السفر فيه والخدمات ؟
وبالنسبة للمكتب اللي حجز لنا الفنادق هل من نصايح تقولونها لي علشان انبه على المكتب سواء من امور الحجز وغيرها واوراق تثبت مثلا حجزنا بالفنادق علشان اسمع ان بعض الفنادق تتلاعب ويقولون ما وصلنا شي ؟
وبالنسبة للمدن اللي ذكرتها انا لندن غطيتها وبحثت عن الاماكن السياحيه .. بس برايتون ومانشستر وبرمنجهام ما اعرف شي فيهم علي في روابط مواضيع او اماكن معروفه للبعض فيكم في هذي المدن علشان اسجلها بالنووت عندي وبالنسبة للمطاعم ابي اعرف اذا كاف في مطاعم يكون ذبح اللحم والدجاج فيها اسلامي ومضمونه في هذي المدن ؟
ان شاء الله تقدرون تفيدوني لأني اول مره اروح انجلترا ..