- نجي الحين لبعض الاستفسارات:
- الفرق فيما بينهم 3 ساعات تقريبا!
- انتظر الاجابه والمشوره منكم
السلام عليكم جميعا,
قررت السفر لامريكا انا مع المدام تقريبا من الصيف الي طاف ومن وقتها وانا اجمع المعلومات بخصوص السفره
بدايه من الفيزا ومتطلباتها
وبعدها تقسيمات السفره والمدن هل نتوجه للشرق او للغرب
واختيار الفنادق طبعا
حاليا وصلت للتشطيبات للسفر وحاب استشيركم بخيارات الفنادق وعندي بعض الاستفسارات بالاخير
طبعا السفره راح تكون 21 يوم ان شاء الله
المسافرين انا والمدام وبنتي عمرها 4 سنوات
الناقل طيران الامارات وبتكون الرحله كالتالي
الرياض-دبي- نيويورك في 1 جون
لوس انجلوس-دبي- الرياض في 22 جون
اختيارها كان لسببين رئيسيات اولها انها تروح لنيويورك ولوس انجلوس دايركت ومثلها كذلك البريطانيه
وسعرها مقارب لسعر بريتش ايرواي مافي فرق كبير وفضلتها لسمعتها وهذا السبب الثاني وان شاء الله انها تكون قد مااتوقع
جربت من قبل طيران الاتحاد لسفره استراليا وكان اختيار موفق
حاليا افكر اني انقل نقطه الذهاب والعوده وتكون من البحرين لقربها من الدمام
وانتفاء السبب الي كان يخلينا نروح للرياض
التقسيمات كالتالي:4 ايام نيويورك
بعدها عن طريق طيران ينايتد الى سانفرانسيسكو
استأجر سياره عن طريق موقع carhire3000 بسعر مغري الاستلام مطار سانفرانسيسكو والتسليم قبل العوده في مطار لوس انجلوس
3 ايام سانفرانسيسكو
5 ايام شمال لوس انجلوس
3 ايام لاس فيغاس
6 ايام جنوب لوس انجلوس
الفنادق
نيويورك فندق Stay جنب التايم سكوير
مالقيت احد كتب عنه شي او ذكره من قبل لكن لقيت الردود من الرفيور في تريب ادفايسور يمدحونه
سانفرانسيسكو فندق The Donatello في نوب هيل
نفس الشي مالقيت الاعضاء كاتبين كثير عنه لكن الرفيو كانت مشجعه
طبعا مااهتميت انه تكون في فيشر وارف او يونيون سكوير لان بتكون معي سياره
شمال لوس انجلوس فندق Royal Palace Westwood بعد تجربه حبيبنا كاكاشي
لاس فيغاس Ceasars Palace بتوصيه حبيبنا وليد
جنوب لوس انجلوس حرصت على فندق قريب من ديزني وكان الاختيار على Best Western PLUS Stovall's Inn الموقع ممتاز والرفيو مشجعه
نجي الحين لبعض الاستفسارات:
- هل في اماكن تستاهل الزياره في نيويورك خارج مانهاتن؟ لان كل الاماكن السياحيه الي بنيويورك مخطط اني امرها عن طريق التور السياحي
- هل ضروري أأجر كرسي سياره لبنتي لما اخذ السياره؟
- هل استخدم طريق 1 او الهايوي 101 او الانتر ستيت 5 لما انتقل من سانفرانسيسكو الى لوس انجلوس
الفرق فيما بينهم 3 ساعات تقريبا!
- حاولت اني اشوف وشو الواحد ممكن انه يسوويه في النهار في لاس فيغاس لان العروض كلها بالليل. اذا في احد عنده اي اقتراح يعلمنا
- انا مخطط اني اخذ معي كاش 1000 دولار بس وباخذ معي بطاقتين ائتمانيتين. شرايكم؟
- ودي اني اخذ عربيه للبنت لاني اعرف ان الموضوع في تمشيه كثير والبنت بتتعب. هل سهله التنقلات فيها وخصوصا بالطيران الداخلي والا يعتبرونها كانها قطعه عفش ؟
انتظر الاجابه والمشوره منكم
مع اني عارف ان الكثير بيعلقون على روحتي للاس فيغاس والرجوع مره ثانيه للوس انجلوس وهذا فيها تعب مشوار 4 ساعات تقريبا
مع الاسف لو خليت لاس فيغاس بعد سانفرانسيسكو مباشره بتصادف ويك اند وبتكون زحمه مره والاسعار عاليه جدا زائد اني شيكت على فنادق شمال لوس انجلوس فيما لو كنت بروح لها بعد لاس فيغاس لقيت ان كثير من الفنادق تطلع لي سولد اوت الظاهر بيكون عندهم شي في ذاك الوقت
علشان كذا اخرت لاس فيغاس شوي وخليتها بين شمال وجنوب لوس انجلوس
