السلام عليكم
الظاهر انت من السعوديه
اذا دخلت من طريق الخفجي والنويصيب كمل سيدا وراح يكون قريب على الخيران وراح تلاقي لافتات
تدليك كل شارع موجود يعمي ما يبعد عن النويصيب اكثر من عشر دقايق
اما السكن اعتقد انا شايفة بيوت شعبية وما تصلح للسكن
بس اقرب منطقه سكنبه لك راح تكون (ام الهيمان ) قديما
ضاحية علي صباح السالم حاليا
اكيد بتلاقي سكن ايجار في بيوت يؤجرون
او تسكن بالخفجي وتدخل كل يوم الكويت
وشكرا لك

abos3od_1990
اول شي الله يوفجك انشالله ويرزقك يارب
ثاني شي مايحتاي تعب لانه اول ماتدخل من النويصيب يمكن ربع ساعه فقط انت توصل شارع يدخلك على ميناء الزور وتحصل لافتات طبعا لاتشيل هم يعني
بس اخوي محد يسكن الحين في مساكن ميناء الزور لانه كلها عمال ووافدين وغير صالحه للسكن للي مثلك
وحتى على كلام الاخت منطقة علي صباح السالم بعيد وايد عن مقر عمرك ترا
ولكن انت اول ماتتوظف وتتعين انشالله,بيعطونك من الداخليه بطاقه دخول يوميه تجدد سنويا مجاناطبعا كل شغلك يخلصه مندوبين الشركه مو انت اللي تروح وتتعب يعني
حالك حال اي موظف سعودي او خليجي يشتغل بالحدود
انا موظف بالقطاع النفطي وزملائي نفسك يداومون بالخفجي وعندهم بطاقه دخول يوميه يعبرون فيها على المراكز بدون تفتيش ولا ختم جوازات ولا زحمه
يكون لكم خانه خاصه للموظفين فقط انت وربعك يعني
يعني تسكن بالخفجي سكن صالح ومنطقه على الاقل حلوه احسن من ميناء زور وخلال ربع ساعه انت وصلت مقر دوامك ( تستفيد من بطاقه موظفين )
احسن من تسكن في علي صباح السالم وتوصل لمقر دوامك بأكثر من ساعه وغير كامرات المرور وزحمه شاحنات .!
واخيرا منطقة الزور تبعد تقريبا مسافة ساعتين عن قلب الكويت داخل
والله يوفجك يارب ويرزقك بأذن الله

لاتشيل هم اخوي انت انشالله اول ماتتعين وتستلم الوظيفه راح تحصل ربعك وجماعتك كلهم بالدوام... يسنعونك انشالله ويدلونك على الشي الاحسن لك
بشكل عام بتحصلهم كلهم في بيوت الخفجي اقرب لهم واسهل لهم
او ادخل الموقع هذا يفيدك أكثر لانه كلهم زملائك بالقطاع النفطي ويداومون بالخفجي
الرابط = http://www.q8ow.com/vb/forumdisplay.php?f=8

شكراا جزيلا لكم ..والله يعطيكم الف عافيه

دائماً وابداً اقولها وانا صادق قسم بالله ماتغبن ولايضيق صدرك ولاتشيل هم وانت بين هلك وناسك وربعك حبايبنا الله يكثرهم اهل درة الخليج هم تاج الراس واعصابته هم اللي اذا دخلت حدودهم انشرح سدرك هم اللي اذا عاملتهم حبيتهم وش اقول وش اخلي بالغوالي الله يحفظهم ويحفظ دولتنا ودولتهم ويحفظ الخليج كله ويوفقنا جميعا إلى مايحبه ويرضى امين يارب العالمين
شف اخيي كلام اخواني سليم صج اذا داومت اسأل زملائك مثل ماقالوا ولاتشيل هم ويمكن ترتاح للسكن بالخفجي بدون تتعب حالك
اسأل الله لك التوفيق بالوظيفة والسكن والزوجة الصالحة وبر والديك وان يرزقك من حيث لاتحتسب امين
ترى ماقلت شي قلت راي وقلت وجهة نظر
محب الكويت واهله
بو خالد